خربوا عيدك عساهم للخراب
ظنوا عزومك من الضربه تلين
مادروا وسط الخنادق لك شباب
يرخصون أعمارهم بس تسلمين
اصمدي دامك على الراي الصواب
ودام إخوانك من شمال ويمين
الخليج اللي سريعين الجواب
من نخاهم يبشر بنصر مبين
وعدهم ماهو تخاريف السراب
ما اخلفوا وعد ولا خانوا يمين
واركزي الرايه على متن السحاب
منزلك عالي ونصر الله يقين
واضربي الخاين وسيميه العذاب
من يخون الدار شيطان لعين
ومن أمن في دار من سوء العقاب
ما يتوب أبداً من الفعل المشين