«الراي» راينا و... رايكم
نواف القطان
ميساء وبوشهري في «وراها وراها»
مونيا
سعد الفرج وعبدالحسين عبدالرضا في مسلسل «درب الزلق»
سعد الفرج
وعد البحري
اسمهان توفيق
| متابعة خالتي قماشة |
رحمة الله على الفنانة مريم الغضبان اللي كانت تسمرنا على الاذاعة عشان نسمع حزاويها وقصصها في برنامجها الحلو «حبابة»، كانت تبدأ المسلسل وهي تقول :
إذا جانا و.. جالكم
خير لفانا ولفاكم، وشر تعدانا وتعداكم
الزور ابن الزرزور اللي عمره ما كذب ولا حلف زور
ذبح بقة وترس سبعة جدور
وخلي الشحوم واللحوم على الصواني تدور
ويا حبيب النبي
صل على النبي ... اللهم صل وسلم علي حبيب الله محمد ...
واحنا بـ «الراي» شايفين ان الراحلة مريم الغضبان كانت تقول قصصها وحزاويها حق مستمعينها عشان تسليهم وتمتعهم، وهذا بروحة شيء يونس .. من جذيه حبينا نعتبر اللي يقولونه الناس عن اعمال الشهر الفضيل هي حزاوي محيرة لهم ولنا، او فيها سوالف طريفة، وانا بس بنقل لكم آراء حبايبنا اللي اسمعها منهم في الغبقات الرمضانية، وأكتب تعليقاتهم على كل اللي شافوه على تلفزيونات رمضان، حريم كبار .. بنات صغار، ازواجنا .. حبايبنا وعيالنا الشباب .. وانا وسيطة نقل حقهم .. يمكن شوي ادخل بهاراتي الكويتية في التعليقات المحلية.. ...
ياللا
بنبدأ اليوم ...
أسمهان توفيق مسلسل طوووويل من النكد والكآبة... اشصاير ... عند الله السعة !
ليش الفنانة اسمهان كله تمثل دور الام الطيبة الكئيبة، اشدعوة الدنيا هالكثر معتمة بمسلسلاتها ... كل ادوارها تتشابه دور الحجية الام الطيبة مع اني اشوف ساعات اسمها مكتوب على بو انها كاتبة المسلسل ونكتشف انه مسلسل طويل من النكد.. ترى الدنيا دوارة وكل الناس الطبيعية تعيش على اغنية ذكرى : يوم لك ويوم عليك .. ! .. بطيها ضحكة الله يهديك كل «يداتنا» جداتنا بالبيت يضحكون ويتغشمرون ويعلقون علينا .. اشهالنكد عند الله السعة.
وعد البحري صوت يهبل غنت أغاني أسمهان ليش ما يجيبونها بمهرجان القرين !
قريت عندكم بـ «الراي» ان البنوتة اللي تغني الاغاني في مسلسل «اسمهان» اسمها وعد البحري .. صوتها عجيييييييب ... ليش المجلس الوطني ما يجيبها في مهرجان القرين الثقافي اللي يم معرض الكتاب العربي .. ودي اشوف شكل وعد .. يصير تنشرون لي صورتها ..!
اشفيه سعد الفرج على آخر عمره صار «كاوبوي» في «مسك وعنبر»!
بصراحة ... الوحدة فينا احنا العجايز تدور على القنوات التلفزيونية تدور على مسلسل فيه من ريحة كويتنا ايام اول .. او نلحق نجومنا الكبار اللي الحين بعمرنا مثل سعد الفرج ... الصدمة اللي شفناها على قناة روتانا خليجية في مسلسل «مسك وعنبر» اللي مشترك فيه سعد الفرج هذا الفنان العملاق اللي اشطول تاريخه وقدم لنا احلى المسرحيات مثل «دقت الساعة» و«حامي الديار» و«ممثل الشعب» ومسلسلاته «درب الزلق» و«الاقدار» طلع لنا بهالمسلسل وهو لابس كاوبوي ويطقطق بهالصحرا، رايح جاي ويرفع مسدسه يهدد مدري منو ... ! ما يشوف شر سعد الفرج على هالمسلسل التعبان اللي نسي فيه كل تاريخه .. افا عليك بس بوناصر ! الناس تكبر تتطور وتقدم مشاكل مجتمعها وانت صرت كاوبوي .. منو قص عليك ..!
«هلاقة» النفوس
ابي اعلق على ازياء وماكياج الحريم في مسلسل «شر النفوس» بصراحة اهم في الدرك الاسفل من انعدام الذوق الجمالي «حدهم هلاقة» .. معقول اكو طبيبة بالمستشفى ولابسة ستريتش ضيق وفوقه توب وبألوان صارخة والا الثانية اللي لابسة قطعة عبارة عن ثلاث موديلات بأقمشة مختلفة عندهم ذيل يسحب من وراها كنها مركبة سوق الاقمشة على روحها والا الاحذية والكعوب العالية اللي الوانها تخرع .. طالعوا ماكياج الطبيبات «وييييييع» اللي كنهم رايحين عرس .. اهلهم !.. احب اقول ان هالهيلقيات كلش ما يمثلون البنت الكويتية اللي ابدا ما تلبس مثل حريم مسلسل «شرالنفوس» اللي قدموا قمة رخص الذوق وممكن هالممثلة مونيا تصير شوية تكانة وتثقل بدل هالحركات المستفزة و الماصخة ... يا جماعة ياللي ابتلينا فيكم .. عيب استحوا ..!
حق إدارة «الراي»
حبيت أشكركم وأقول الله يعطيكم العافيه على إدارة الجريدة وقناة «الراي» بنفس الوقت، وهذا طبعا لان راس «الراي» فطين وأصيل طالع من قيم «بيت جدي» ماشي «وراها وراها» مثل «ظل المحارب» مو مثل عنجهية «البارونات» وشد حيلك، وخليك صابر مثل «شرف فتح الباب»... و... باي
نواف القطان رجل كامل الدسم رد بقوة على واحد متصل قال له : اشلونك... حب !
.. في يوم السبت بالليل وفي برنامج «بنك ديل» حق الحلو نواف القطان اللي يطلع على تلفزيون «الراي» اتصل واحد وقال حق نوف : يا حب ..! .. عجبني رد نواف الرجولي الكامل الدسم «كفو والله» قال له: شنو حب .. لا تجيب لي الشبهه .. !! نواف يهبل دمه خفيف وسريع البديهة في البرنامج اللي اكثر من رائع والخير كثيييير وهو يساعد المتصلين واااايد عشان يفوزون .. مشكورين يا «الراي» على هالبرنامج الحلو في الشهر الفضيل ..
رحمة الله على الفنانة مريم الغضبان اللي كانت تسمرنا على الاذاعة عشان نسمع حزاويها وقصصها في برنامجها الحلو «حبابة»، كانت تبدأ المسلسل وهي تقول :
إذا جانا و.. جالكم
خير لفانا ولفاكم، وشر تعدانا وتعداكم
الزور ابن الزرزور اللي عمره ما كذب ولا حلف زور
ذبح بقة وترس سبعة جدور
وخلي الشحوم واللحوم على الصواني تدور
ويا حبيب النبي
صل على النبي ... اللهم صل وسلم علي حبيب الله محمد ...
واحنا بـ «الراي» شايفين ان الراحلة مريم الغضبان كانت تقول قصصها وحزاويها حق مستمعينها عشان تسليهم وتمتعهم، وهذا بروحة شيء يونس .. من جذيه حبينا نعتبر اللي يقولونه الناس عن اعمال الشهر الفضيل هي حزاوي محيرة لهم ولنا، او فيها سوالف طريفة، وانا بس بنقل لكم آراء حبايبنا اللي اسمعها منهم في الغبقات الرمضانية، وأكتب تعليقاتهم على كل اللي شافوه على تلفزيونات رمضان، حريم كبار .. بنات صغار، ازواجنا .. حبايبنا وعيالنا الشباب .. وانا وسيطة نقل حقهم .. يمكن شوي ادخل بهاراتي الكويتية في التعليقات المحلية.. ...
ياللا
بنبدأ اليوم ...
أسمهان توفيق مسلسل طوووويل من النكد والكآبة... اشصاير ... عند الله السعة !
ليش الفنانة اسمهان كله تمثل دور الام الطيبة الكئيبة، اشدعوة الدنيا هالكثر معتمة بمسلسلاتها ... كل ادوارها تتشابه دور الحجية الام الطيبة مع اني اشوف ساعات اسمها مكتوب على بو انها كاتبة المسلسل ونكتشف انه مسلسل طويل من النكد.. ترى الدنيا دوارة وكل الناس الطبيعية تعيش على اغنية ذكرى : يوم لك ويوم عليك .. ! .. بطيها ضحكة الله يهديك كل «يداتنا» جداتنا بالبيت يضحكون ويتغشمرون ويعلقون علينا .. اشهالنكد عند الله السعة.
وعد البحري صوت يهبل غنت أغاني أسمهان ليش ما يجيبونها بمهرجان القرين !
قريت عندكم بـ «الراي» ان البنوتة اللي تغني الاغاني في مسلسل «اسمهان» اسمها وعد البحري .. صوتها عجيييييييب ... ليش المجلس الوطني ما يجيبها في مهرجان القرين الثقافي اللي يم معرض الكتاب العربي .. ودي اشوف شكل وعد .. يصير تنشرون لي صورتها ..!
اشفيه سعد الفرج على آخر عمره صار «كاوبوي» في «مسك وعنبر»!
بصراحة ... الوحدة فينا احنا العجايز تدور على القنوات التلفزيونية تدور على مسلسل فيه من ريحة كويتنا ايام اول .. او نلحق نجومنا الكبار اللي الحين بعمرنا مثل سعد الفرج ... الصدمة اللي شفناها على قناة روتانا خليجية في مسلسل «مسك وعنبر» اللي مشترك فيه سعد الفرج هذا الفنان العملاق اللي اشطول تاريخه وقدم لنا احلى المسرحيات مثل «دقت الساعة» و«حامي الديار» و«ممثل الشعب» ومسلسلاته «درب الزلق» و«الاقدار» طلع لنا بهالمسلسل وهو لابس كاوبوي ويطقطق بهالصحرا، رايح جاي ويرفع مسدسه يهدد مدري منو ... ! ما يشوف شر سعد الفرج على هالمسلسل التعبان اللي نسي فيه كل تاريخه .. افا عليك بس بوناصر ! الناس تكبر تتطور وتقدم مشاكل مجتمعها وانت صرت كاوبوي .. منو قص عليك ..!
«هلاقة» النفوس
ابي اعلق على ازياء وماكياج الحريم في مسلسل «شر النفوس» بصراحة اهم في الدرك الاسفل من انعدام الذوق الجمالي «حدهم هلاقة» .. معقول اكو طبيبة بالمستشفى ولابسة ستريتش ضيق وفوقه توب وبألوان صارخة والا الثانية اللي لابسة قطعة عبارة عن ثلاث موديلات بأقمشة مختلفة عندهم ذيل يسحب من وراها كنها مركبة سوق الاقمشة على روحها والا الاحذية والكعوب العالية اللي الوانها تخرع .. طالعوا ماكياج الطبيبات «وييييييع» اللي كنهم رايحين عرس .. اهلهم !.. احب اقول ان هالهيلقيات كلش ما يمثلون البنت الكويتية اللي ابدا ما تلبس مثل حريم مسلسل «شرالنفوس» اللي قدموا قمة رخص الذوق وممكن هالممثلة مونيا تصير شوية تكانة وتثقل بدل هالحركات المستفزة و الماصخة ... يا جماعة ياللي ابتلينا فيكم .. عيب استحوا ..!
حق إدارة «الراي»
حبيت أشكركم وأقول الله يعطيكم العافيه على إدارة الجريدة وقناة «الراي» بنفس الوقت، وهذا طبعا لان راس «الراي» فطين وأصيل طالع من قيم «بيت جدي» ماشي «وراها وراها» مثل «ظل المحارب» مو مثل عنجهية «البارونات» وشد حيلك، وخليك صابر مثل «شرف فتح الباب»... و... باي
نواف القطان رجل كامل الدسم رد بقوة على واحد متصل قال له : اشلونك... حب !
.. في يوم السبت بالليل وفي برنامج «بنك ديل» حق الحلو نواف القطان اللي يطلع على تلفزيون «الراي» اتصل واحد وقال حق نوف : يا حب ..! .. عجبني رد نواف الرجولي الكامل الدسم «كفو والله» قال له: شنو حب .. لا تجيب لي الشبهه .. !! نواف يهبل دمه خفيف وسريع البديهة في البرنامج اللي اكثر من رائع والخير كثيييير وهو يساعد المتصلين واااايد عشان يفوزون .. مشكورين يا «الراي» على هالبرنامج الحلو في الشهر الفضيل ..
