وداعة الله
قصيدة لرئيس الديوان الملكي السعودي السابق خالد التويجري في رثاء خادم الحرمين الراحل الملك عبد الله بن عبد العزيز
وداعة الحب كل الحب يا كله
وداعة أول غلاك وحبك التالي
وداعة صدورنا والأرض مبتله
وداعة بحورنا وسهول وجبال
وداعة انفاسنا مما تعرضله
وداعة احساسنا بإحساسك العالي
وداعة القصر ياسوره ويا ظله
وداعة الروح لا قامت تهيالي
وداعة الحرف والمعنى على حله
وداعة اللي من الدنيا تبقالي
وداعة الحال والأحوال والحله
وداعة البال واللي مر في بالي
وداعة انجومنا اللي فوقنا مطله
وداعة علومنا اللي ما لها تالي
وداعة النار والفنجان والدله
وداعة الفال يومك طيب الفال
وداعة المجد والتاريخ عبدالله
وداعة العز من هم وغربال
سلامتك يا وطن من عارض العله
سلامتك يا وطن من كيد عذال
من وافق النجم في داج السما دله
ومن جرب المر قدر قيمة الحالي
الوقت سيف الوغى والموت في غله
وكرامة النفس تسوى راس الأموال
يا أطيب الناس طبت وطيبك جبله
يا فية العمر عقب الشمس وظلالي
سيف من العز راعي العز لا سله
أسمع صهيل الخيول وصوت الابطالي
أكتب من الحب كل الحب وارسله
يا سعد عيني متى ما وصل مرسالي
الحب خلا صحيح الحال منسله
والشوق يغلب على راعيه طوالي
استعمر الطيب راعي الطيب واحتله
لولا الوفا بالوفا ما كان ذا حالي
الود ودك متى ما ودك نتله
والعد عدك وانا رجلي وجمالي
في محجر اللي عزيز الدمع ما هله
لك يا حبيب العمر في القلب منزال
اموت واحيا وشوقي لك على مله
يا درب عمري ويا حلي وترحالي
يعقد حجاجي عليك الوقت ويفله
ويفرق مزاجي متى ما شفتك قبالي
سويت دونك سوات الخل مع خله
لا حسه اللي يشوف وشاف الاحوالي
والحر حبل السبق في الوكر ما تله
والذيب سرحان ما هرول على الخالي
أجبر كسير العظم واسمح عن الزله
واجر في عالي المرقاب موالي
أهدي مع الروح لك ما يبري العله
وما تنهدى الغاليه إلا على الغالي
حنا كتبنا القصايد باسم عبدالله
والشاهد الله علي في كل الامثالي
الله يحسن عزا هذا الوطن كله
مرحوم يا اول غلا واوسطه والتالي
وداعة الحب كل الحب يا كله
وداعة أول غلاك وحبك التالي
وداعة الحب كل الحب يا كله
وداعة أول غلاك وحبك التالي
وداعة صدورنا والأرض مبتله
وداعة بحورنا وسهول وجبال
وداعة انفاسنا مما تعرضله
وداعة احساسنا بإحساسك العالي
وداعة القصر ياسوره ويا ظله
وداعة الروح لا قامت تهيالي
وداعة الحرف والمعنى على حله
وداعة اللي من الدنيا تبقالي
وداعة الحال والأحوال والحله
وداعة البال واللي مر في بالي
وداعة انجومنا اللي فوقنا مطله
وداعة علومنا اللي ما لها تالي
وداعة النار والفنجان والدله
وداعة الفال يومك طيب الفال
وداعة المجد والتاريخ عبدالله
وداعة العز من هم وغربال
سلامتك يا وطن من عارض العله
سلامتك يا وطن من كيد عذال
من وافق النجم في داج السما دله
ومن جرب المر قدر قيمة الحالي
الوقت سيف الوغى والموت في غله
وكرامة النفس تسوى راس الأموال
يا أطيب الناس طبت وطيبك جبله
يا فية العمر عقب الشمس وظلالي
سيف من العز راعي العز لا سله
أسمع صهيل الخيول وصوت الابطالي
أكتب من الحب كل الحب وارسله
يا سعد عيني متى ما وصل مرسالي
الحب خلا صحيح الحال منسله
والشوق يغلب على راعيه طوالي
استعمر الطيب راعي الطيب واحتله
لولا الوفا بالوفا ما كان ذا حالي
الود ودك متى ما ودك نتله
والعد عدك وانا رجلي وجمالي
في محجر اللي عزيز الدمع ما هله
لك يا حبيب العمر في القلب منزال
اموت واحيا وشوقي لك على مله
يا درب عمري ويا حلي وترحالي
يعقد حجاجي عليك الوقت ويفله
ويفرق مزاجي متى ما شفتك قبالي
سويت دونك سوات الخل مع خله
لا حسه اللي يشوف وشاف الاحوالي
والحر حبل السبق في الوكر ما تله
والذيب سرحان ما هرول على الخالي
أجبر كسير العظم واسمح عن الزله
واجر في عالي المرقاب موالي
أهدي مع الروح لك ما يبري العله
وما تنهدى الغاليه إلا على الغالي
حنا كتبنا القصايد باسم عبدالله
والشاهد الله علي في كل الامثالي
الله يحسن عزا هذا الوطن كله
مرحوم يا اول غلا واوسطه والتالي
وداعة الحب كل الحب يا كله
وداعة أول غلاك وحبك التالي
