ضياع الطير

من قصائد ضياع الطير اخترنا هذه القصيدة بناءً على طلب الكثير من القراء وهي للشاعر الشيخ مسلط بن شعيفان ابوثنين

وجدي على طير عديم غدالي

اقفى مع اللجة وعيني تراعيه

اتلا العهد به يوم يأخذ بعالي

اخفاه سبارة وانا من قبل مخفيه

ليلة غدا ما هيب مثل الليالي

سهرت لين الصبح بانت مواريه

كن الفقيدة واحد من عيالي

لا والله الا اغلا يبيعه ويشريه

افز من نومي اليامن طرالي

ويفز قلبي كل ما اوحيت طاريه

وافرح اليا من حل فيه المجالي

واغلا جليس لي جليس يطريه

لو هو يعرف انه عزيز وغالي

ما بار في صقارة اللي مواليه

اللي مضريني بصيد الجزالي

معشي جاري وضيفي معشيه

ويعشي النزلة وسيع المدالي

ماهوب صيده بس يختص راعيه

شره على الخرب الكبير الموالي

يقط رأسه ويتعشى ثناديه

متفهق الجنحان هجر جلالي

حرش يديه وراهيات مواميه

الفارسي طرح الحماد الشمالي

دف النعيري في مقارن مواسيه

نقلت غيره مير يا هملالي

كل الحرار الشقر ما عوضت فيه

قلت الكلام اللي على هجس بالي

واللي يعامد فيه يزعل وانا ارضيه

شعر: مسلط بن شعيفان