مغردو «تويتر»: الأبيض كسب بـ «الإغراء» وده «حظ عوالم»
سخرية من «تي شيرت» الزمالك «البينك»: لما تتشد الفانلة يبقى «فاول ولا تحرش»
تي شيرت الزمالك الجديد أثار ضجة على مواقع التواصل
| القاهرة - من رشدي الدقن |
فجر تي شيرت ارتداه نجوم نادي الزمالك المصري في ثاني مباراة من الدوري الكروي المحلي أول من أمس، ولونه «بينك» السخرية على مواقع التواصل الاجتماعي، وأطلق نشطاء على «تويتر» العديد من الهاشتاجز للسخرية من لون الفانلة والذي أطلقوا عليه «زي برعاية باربي»، وهكذا تمكن «الزي الجديد»، الذي ظهر به نجوم «الأبيض المصري» خلال مباراته أمام فريق الشرطة من اقتلاع البسمة والسخرية على مواقع التواصل الاجتماعي حتى من الصفحات السياسية.
واستطاع الزمالك أن يصرف «تويتر» عن السياسة بالفانلة الفوشيا أو «البينك»، وقال أحد رواد تويتر: «تفتكروا مقصودة؟ ولا اعتراضا على مرسي - قاصدا الرئيس المصري محمد مرسي - مشجعهم؟ ولا خطة إخوانية خبيثة؟».
وانصب جل السخرية على لون الـ «تي شيرت» الجديد والغريب على الألوان الخاصة بأندية الكرة المصرية، ما دعا أحدهم ليقول: «ده لما يتشد من الفانلة يبقى فاول ولا تحرش؟ فيما كتب آخر: «بعد ما شوفت تي شيرت الزمالك البينك، زمان كنت أسمع إن الزمالك مدرسة لعب وفن وهندسة... بس مكنتش أعرف إنها مدرسة بنات».
في المقابل دافعت جماهير نادي الزمالك عن فريقها، قائلة إن الأندية الكبرى مثل برشلونة وأشبيليه وباليرمو ارتدوا نفس اللون من قبل، والجماهير المصرية رحبت به في حينه، وقالت إنه استايل، لكن عندما يرتديها الزمالك الكل قلب «دعوة سلفية».
ودشن نشطاء هاشتاج «معا للتحرش بلاعبي الزمالك»، قالت التعليقات فيه: «البينك بلوك».
- عاجل: إدارة نادي الزمالك قرروا أن اللاعيبة هيلبسوا الماتش الجاي «فيزون».
- الزمالك... رجولة وبنك مسخسخ دونت ميكس... الحرية مسؤولية!
- بمناسبة اللون العجيب اللي لابسينه النهاردة... الزمالك فعلا يستاهل لقب «القالعة» البيضا!
- قريبا سيتم إضافة الفيونكة والدبدوب للزي الرسمي.
- يا جماعة مش ذنبهم هو إلى نزل اشترى جاب من قسم الحريمي.
- اللي يفرط فـ «اللون الأبيض» ممكن يفرط في «أي حاجه تانية».
-على فكرة انتوا اللي جبتوه لنفسكوا... في لعيب ينزل بالطقم ده وكمان من غير كارينا؟؟!
- لما فريق الكورة يلبس كده... أمال فريق الباليه المائي هيلبسوا ايه؟
- الفريق دا ناقصه شراب بكلون ويروح يرقص على مسرح الفنون الشعبية.
- لو ربنا كرمكو وجبتو جون... حاولو مترقصوش وانتو بتحتفلو بيه، هيبقى رقص مع بينك وشرابات فوشيا لا يجوز
- خلاص يا جدعان كفاية قلش على فنلة الزمالك معندكوش اخوات بنات...
- لبس الزمالك النهاردة بيوجه مسج للغرب إن احنا بيكينيز.... بنعمل شوبنج.... متفتحين زيكو بالظبط.
- الشراب اللي لابسه لاعيبة الزمالك ده مش بتاع هيفا وهبي في كليب بوس الواوا!!
-جامدة-!
- أنا بتهيألي الرقابة بعد ماهتشوف ماتش الزمالك باللبس ده هيشفروا المتشات اللي جاية.
- عيب يا بيه... اللي لابسه الزمالك ده عيب يا بيه... وتتهز له سبع شبكات.
- يا جماعة إنتوا بتتريقوا على لبس الزمالك ليه؟ ده حتى إدارة النادي جايبلهم اللبس ده عشان «الفلانتين».
- سؤال سريع: ليه كان الزمالك لابسين بمبي النهارده؟ دي باربي تتكسف تلبس اللبس ده أصلا.
- الزمالك كسب بالإغراء.
- الزمالك بالـ «تي شيرتات» دي لو كسب الدوري هياخد دبدوب.
- اللي اقترح لون فانلة الزمالك ده على مجلس الإدارة زمانه دلوقتي مربوط في مخزن النادي وبيتعذب... واحتمال يقتلوه ويرموه على طريق السويس بالليل.
- كده أي جول هايجيبو الزمالك هايبقى «حظ عوالم».
ولم يقتصر الأمر على التعليقات المكتوبة فقط، بل طال الصور كذلك، فعلى طريقة الكاريكاتير قام أحد مصممي الصور بنشر صورة للفريق أثناء تجهزه لبداية المباراة، لكل منهم تعليق ساخر على لون فانلته الجديد، كما قام أحدهم بنزع الفرعون الموجود على شعار الزمالك واستبداله بالشخصية الكارتونية المشهورة «النمر الوردي».
فجر تي شيرت ارتداه نجوم نادي الزمالك المصري في ثاني مباراة من الدوري الكروي المحلي أول من أمس، ولونه «بينك» السخرية على مواقع التواصل الاجتماعي، وأطلق نشطاء على «تويتر» العديد من الهاشتاجز للسخرية من لون الفانلة والذي أطلقوا عليه «زي برعاية باربي»، وهكذا تمكن «الزي الجديد»، الذي ظهر به نجوم «الأبيض المصري» خلال مباراته أمام فريق الشرطة من اقتلاع البسمة والسخرية على مواقع التواصل الاجتماعي حتى من الصفحات السياسية.
واستطاع الزمالك أن يصرف «تويتر» عن السياسة بالفانلة الفوشيا أو «البينك»، وقال أحد رواد تويتر: «تفتكروا مقصودة؟ ولا اعتراضا على مرسي - قاصدا الرئيس المصري محمد مرسي - مشجعهم؟ ولا خطة إخوانية خبيثة؟».
وانصب جل السخرية على لون الـ «تي شيرت» الجديد والغريب على الألوان الخاصة بأندية الكرة المصرية، ما دعا أحدهم ليقول: «ده لما يتشد من الفانلة يبقى فاول ولا تحرش؟ فيما كتب آخر: «بعد ما شوفت تي شيرت الزمالك البينك، زمان كنت أسمع إن الزمالك مدرسة لعب وفن وهندسة... بس مكنتش أعرف إنها مدرسة بنات».
في المقابل دافعت جماهير نادي الزمالك عن فريقها، قائلة إن الأندية الكبرى مثل برشلونة وأشبيليه وباليرمو ارتدوا نفس اللون من قبل، والجماهير المصرية رحبت به في حينه، وقالت إنه استايل، لكن عندما يرتديها الزمالك الكل قلب «دعوة سلفية».
ودشن نشطاء هاشتاج «معا للتحرش بلاعبي الزمالك»، قالت التعليقات فيه: «البينك بلوك».
- عاجل: إدارة نادي الزمالك قرروا أن اللاعيبة هيلبسوا الماتش الجاي «فيزون».
- الزمالك... رجولة وبنك مسخسخ دونت ميكس... الحرية مسؤولية!
- بمناسبة اللون العجيب اللي لابسينه النهاردة... الزمالك فعلا يستاهل لقب «القالعة» البيضا!
- قريبا سيتم إضافة الفيونكة والدبدوب للزي الرسمي.
- يا جماعة مش ذنبهم هو إلى نزل اشترى جاب من قسم الحريمي.
- اللي يفرط فـ «اللون الأبيض» ممكن يفرط في «أي حاجه تانية».
-على فكرة انتوا اللي جبتوه لنفسكوا... في لعيب ينزل بالطقم ده وكمان من غير كارينا؟؟!
- لما فريق الكورة يلبس كده... أمال فريق الباليه المائي هيلبسوا ايه؟
- الفريق دا ناقصه شراب بكلون ويروح يرقص على مسرح الفنون الشعبية.
- لو ربنا كرمكو وجبتو جون... حاولو مترقصوش وانتو بتحتفلو بيه، هيبقى رقص مع بينك وشرابات فوشيا لا يجوز
- خلاص يا جدعان كفاية قلش على فنلة الزمالك معندكوش اخوات بنات...
- لبس الزمالك النهاردة بيوجه مسج للغرب إن احنا بيكينيز.... بنعمل شوبنج.... متفتحين زيكو بالظبط.
- الشراب اللي لابسه لاعيبة الزمالك ده مش بتاع هيفا وهبي في كليب بوس الواوا!!
-جامدة-!
- أنا بتهيألي الرقابة بعد ماهتشوف ماتش الزمالك باللبس ده هيشفروا المتشات اللي جاية.
- عيب يا بيه... اللي لابسه الزمالك ده عيب يا بيه... وتتهز له سبع شبكات.
- يا جماعة إنتوا بتتريقوا على لبس الزمالك ليه؟ ده حتى إدارة النادي جايبلهم اللبس ده عشان «الفلانتين».
- سؤال سريع: ليه كان الزمالك لابسين بمبي النهارده؟ دي باربي تتكسف تلبس اللبس ده أصلا.
- الزمالك كسب بالإغراء.
- الزمالك بالـ «تي شيرتات» دي لو كسب الدوري هياخد دبدوب.
- اللي اقترح لون فانلة الزمالك ده على مجلس الإدارة زمانه دلوقتي مربوط في مخزن النادي وبيتعذب... واحتمال يقتلوه ويرموه على طريق السويس بالليل.
- كده أي جول هايجيبو الزمالك هايبقى «حظ عوالم».
ولم يقتصر الأمر على التعليقات المكتوبة فقط، بل طال الصور كذلك، فعلى طريقة الكاريكاتير قام أحد مصممي الصور بنشر صورة للفريق أثناء تجهزه لبداية المباراة، لكل منهم تعليق ساخر على لون فانلته الجديد، كما قام أحدهم بنزع الفرعون الموجود على شعار الزمالك واستبداله بالشخصية الكارتونية المشهورة «النمر الوردي».
