الفقر

للفقر لذة في عيون الهوامير
شوفوا وش لون بفقرنا شاركونا؟!
دينارهم يسنسخونه دنانير
ولو هو طلبناهم ترى ما عطونا
حسرة قليل المال بكفوفهم غير
ولو هو ذهب بمدي خذوه وخذونا
الله لا يجزي هاك الطالع بخير
اللي عليه بعافيتنا حسدونا
تجمعت شرابة الما على البير
يا حليَّلْ عنه الجماعة حدونا
جونا شتات أصفر تلقفهم الطير
بلوى ياليت بشرهم ما بلونا
طاوع معاهم من لقى دهنة السير
وإلا وش اللي سكته يوم جونا
ذقنا على يديهم هوان المشاوير
ضيعهم الله مثل ما ضيعونا
وش صار؟ وش بعد باقي يصير؟!
يا فاهمين السالفة فهمونا
المشكلة يا حبنا للمعاذير
والناس وصلوا للقمر واسبقونا
دايم نسوي للخيانات تبرير
والظاهر الخاين طلع كل أبونا
عبدالرحمن عادل الشمري