صلفات الأيام

صلفات الأيام تنهاني وتامرني
ليت الزمن ما كسر قلبي وصحاني
استحلفك لا تركتك لا تدورني
من باقي العمر بحيا به على شاني!
ضاعت سنيني معك، والهم كبرني
وش قيمة الحب مع صمتي وحرماني
يا حارق الورد في قلبي وكاسرني
تصدق اني نسيت الضحك بأحزاني؟
رحت انشد الليل عنك وش مصبرني
طاحت دموعه على نجمه وبكاني
جيته اباخذ جفا ليله وكدرني!
جيت ادفن الحلم في طوله وما امداني
يا وقت لا تستحي مني وتعذرني
حتى ولو كان عذري زلة لساني
كنت انتظر لحظة منك تغيرني
والحين مدري من اللي غير الثاني...؟
محمد عفاس