خفاق الضلوع

من القديم الجديد للشاعر الرائع نايف صقر اخترنا لكم

ليت لي ذود يدك البيد واحداله لحاله
كان ماوالله علي خلاف في نجد العذيه
جفت اقلام الغرام وطول المحبوب باله
والله اني ماهقيت ان الغضي يقسي عليه
وش خطاي الا المحبة وش رجاي الا وصاله
وش يبي غير المودة والغلا والمقدريه
دللوه اللي ربوه صغير واسرف بي دلاله
ليت لي قلب يطيق الصبر وعيون خليه
والغضي لو لاعه التحنان وبقلبه عداله
ماغذت من دونه القيعان جردٍ جرهديه
وان تشره قايد الغزلان ماله بي جماله
لعنبو من خان خلانه وجنب عن خويه
عن جنوبه والوله والشرق يغنيني شماله
صد ياقلب الجفا لاصد وضاح الثنيه
ماانت ياالخفاق عبد له ولا انت اصغر عياله
انت خفاق الضلوع العوج والخيره خفيه

شعر: نايف صقر