«الله... ياعين»
الشاعر الشيخ/ دعيج الخليفة الصباح
من وين ابدي... وصفك الزين يازين
الشعر يقصر والكلام يتقزم
من وين والله مدري ابداك من وين
يعجز لساني ما قدرت أتكلم
انا بديتك شيء واتصير شيين
معك الشعور ليا بغيت يتأزم
بس الاكيد انك على الناس ضعفين
ما فيه مثلك يوصلك ويتحلم
تزيد حبه لا حشا اتزود ثنتين
كن الذر ابه من حياتك تعلم
انته حبيبي ما يجي مثلك اثنين
تزيد عنهم والحسود يتألم
على جمالك قالوا الله... ياعين
ما حد شبيهك للرحيل يتولم
لانك حبيبي والوفا بين قلبين
والغير خله حاير ويتظلم
