محتاجك وابيك
ما لقيتك يوم محتاجك وابيك
ما عرفت شلون لاغبت اوصلك
اي نعم مشتاقلك ووله عليك
صادق ن واهواك اكثر من هلك
وين دربك وين علمني واجيك
هالـمـشاعـر كـلها تستاهـلك
يا رقيق القلب قلبي يحتريك
واضح طبعك ولاني اجهلك الخجل والخوف دايم يعتريك
يا حلاتك في عيوني مجملك
انت نادر بين هالعالم وفيك
كل زين الناس ربي امكملك
ليه تتغلى وانا كلي بيديك
مشكله هذي حبيبي بسألك
انت شمس الكون تسكن وجنتيك؟؟
او شعاع النور يعجز يوصلك
في حياتي ارسمك اغلى شريك
خلني استوطنك واصبح ملك
| خليفة بن بدر آل ثاني |
