دموع الوداع
للنهار وراحة القلب وصادق الود ونبرة الصوت ومساحات الغلا وبنود الشعر، تسلسل أكثر من رائع من خلال لغة شعر تحمل من الخبرة الكثير...
يا برك النهار اللي عيوني تشوفك فيه
لو إنها دقائق وقت عجلة ومعدوده
تطيب الجروح وراحة القلب مع غاليه
وانا وانت معنى صادق الود وعهوده
يا حي الطريق اللي يجيبك لو إن تاليه
دموع الوداع ونبرة الصوت مشدوده
محبة قلوبٍ صادقه والغلا تعطيه
شموخٍ تحدى شدت الوقت وقيوده
على كل حال وصادق الشوق ما تخفيه
قلوبٍ تجاوز شوقها الشوق وحدوده
خذ العلم مني وانت نصه وما يعنيه
مساحة غلاك أكبر من الشعر وبنوده
تجاوز حدود الصمت واستصغر التنويه
عن الواقع اللي بصمتك فيه موجوده
قناعة عزيمتها تجاوز بحور التيه
لو ان اكثر امال المحبين مفقوده
تحول الظروف وحكم الأقدار وتوجيه
وتظل الجسور بصادق الود ممدوده
| فتاة نجد |
