يا أهل القنص
الرئع جمعان عايض العازمي من هواة القنص بالطير ودائماً يخصنا بقصائده عن هذه الهواية ومحبيها
يا اهل القنص ياللي تبون المطاريش
ماظنتي فيها مع الشط معبار
ياصعب والله شوف ذيك النشانيش
اللي بها خط القوانيص مرار
قفرٍ خلا وفياض سدرٍ مهاييش
ولاطبها من ماطر العام زوار
الا اليا نوى زبون المداغيش
البابطين اللي له المدح والكار
سعود من تثني عليه الطواريش
وعلى الخوي اللطف من الوالد البار
يفدونه اللي ماوراهم عراميش
شيوخ قومٍ تحزم المال بصرار
هذا هوا باله هداد اشقر الريش
وشوف الحرار النادره طلع وطيار
في خايعٍ مسقيه مزنٍ مراهيش
وتعاقبة فوقه مراويح الامطارم
لين ارتوت كل الفياض المعاطيش
وعم الحيا خيره على كل الاقطار
وسند لقفرٍ بالخلا مابعد نيش
ماطبه الشاوي ولاجاه صقار
وسرهدبها من نادرات الاواحيش
مابين ضبعٍ والثنادي وابو غار
واخذله ايامٍ بذيك المناطيش
في غفلةٍ فيها يغيبٍ الاعذار
| جمعان عايض |
