سهيل اليماني

مع طلوع» سهيل» يتغير الجو الى الأحسن ويبرد الجو، وهواة القنص بالطير يشتاقون لطلوع هذا النجم، وفهد دغيم جاد بهذه القصيدة الرائعة:

سبحانه اللي بدل الوقت تبديل

من بعد مابين سهيل اليماني

وتلاشت اسموم الزمن والغرابيل

والليل طال وتو مالجو زاني

وهب البراد اللي يجي فأول الليل

اللي نسيمه ينعش المودماني

وتزهبوا يا اهل القنص بين سهيل

والصيد وقته يالقوانيص حاني

مع النشاما والرجال الحلاحيل

اللي ماترجع عشرهم للثماني

اصحابي اللي فعلهم يعدل الميل

ولا تغيرهم ضروف الزماني

ياراعي الدله وراعي المعاميل

ازهم على الشجعان قاصي وداني

واللي يبا يخاوي رجالٍ مشاكيل

يحسب حساب الطيب والعمر فاني

واحذر ياراعي الصيد لاتحط وتشيل

المسألة فيها عقل وتزاني

ولاتفاخر بالعدد والمحاصيل

من شان ماتكبر عليك المعاني

خلك قنوع وخل عنك التفاصيل

أرضا بمقسومك ليا صرت عاني

والصيد يبغاله ثقافة حلاحيل

صبر وتحدي لوخسرت الرهاني

عسى عوضها بالليال المقابيل

ومحدٍ يعذرب في طوال اليماني

| محمد دغيم |