كويت الخير?

‎تعالي واسـمعي آخر قصيدة في كويت الخير

‎أنـا خطيتـــها مــوادع عســاها لشـاعرك خيـره

‎تعالي واسمعي أجزل حروف الشعر والتصوير

‎نقــيـة صـــافية عـــذبة عــــزيزة بكل تصويــره

‎تعالي واسـمعي أجمل غلا اللي مايبي تفسير

حفظته في وســـط قلبي غــلاها ما ابي غيــره

‎عشقت اترابها عاشق لها من يوم كنت اصغير

ورســخ في داخلي حـب الكــويت وزاد تنويره

‎وبدى يــكبر على طـول الزمن ماجاله أي تغيير

‎وأحييته وســــط روحي صـفاها فــاق تعبــيره

‎بـــلادي عـــز يــابـلادي بــلادي نبــــع لتطويـر

‎اهي ديرة غلاي اقـــسم قــسم مــامثلها ديره

‎موانيــــها شواطــيها وتغــــاريد بــصفا لطيـر

ومبانــيها وصــحاريــها هــواها يـنعش لطيره

‎وشـــوارعها ومسـاجدها وبـرج العز والتحرير

‎وخضـــر اشـجارها وأزهارها وأطياب تعطيره

‎ومــجد شــامخ يــبقى علــوه مــابــه أي تعثير

‎وعــــز نــــذكــره دايــم يعــــز القــلب تقــديره

‎شمـــوخ ما أنوجد مثله يفوق الوصف والتعبير

‎وصــــمود ثــــابت عـبر السنين بحسن تدويره

‎علــمها يزها بلــــوانه يـــرفرف بالسـما ويشير

‎الى العـــزه الى رمـــز الكــرامة فــوق تيسيره

هــنا مجـــــد بنــوه ال الصباح وماهو ابتشيير

‎هــنا تاريـــــخ نفـــخر بـــه عظـــيم بعزم تأثيره

هــنا ابــــلاد بــها ارجـال عزيزين النبا والسير

‎هــنا شـــجعان حـــامين الــديار صقور مغيره

‎في ظل الشــــيخ ابو ناصر أمير المعرفة وأمير

‎بصـــولاته وجــــــولاته مــحنك طــــيب السـيره

‎حــكيم الــــرأي له مني ســــلام المـسك والنوير

‎يخالــط له عـــطر كادي طـــــغا فـي ورد نويره

‎أمــير حافــظ بــــلاده بســياسة وهـيبة وتقديـر

‎وحما شعبه من اصدوف الزمان ومن اعاصيره