يا سحاب

ياسحابٍ هلّ... وأنشى له هميلة

فوق هامات المعاليق.. ودحاها

سال من شعب الوفا والطيب سيله

وانتثر وبله على الروح وشعاها

وقرّب الله نايده.. وأكثر قليلة

يومه يسلّم على مكة وجاها

البـــــلاد ( اللي مآثرهــا طويلــة )

وأطهر بقاع الديار.. ومنتهاها

في ثراها ( عدّل التاريخ ميله )

وبين قبلتها ومسجدها ( دواها )

للقـــلوب اللي كسيراتٍ عليـــــلة

والعيون اللي غلب ماها عماها

أشهد أن القرب لحماها (فضيلة)

وإني الليلة فخورة... وآتباهى

قدمكم... ياخير من يدعيــه جيله

يالقديرات، الكبيرات، الوجاهــا

وصوب بنت القايد الشهم السليلة

أنظم الأشعار... وأبيّن مداها

اختصرت، وماقفي يفرض أطيله

لكن التنظيم، والوقت وسواها

ولو تبقّى في صدور القاف حيلة

فَ المواجيب الكبار لمن بغاها