?مطوعين الصعايب?

«الحمدلله كل ماجات نايبه

جعلها لنا عزٍ رفيع بناه»

تمثل بها شيخ المهمات قاسم

وأسس بها في كل عصرٍ جاه

جمع بها قبايل/ن تحت رايته

بالطيب والمعروف تحت حماه

صاروا يمينه وآمنوا في رسالته

رجالٍ لها يامر ولا تعصاه

سعى لها بالمال والجاه والولد

وبجيشه الصامد بوجه اعداه

ماهاب من ذيك الجحافل وزحفها

مادامها أرضه والفضاء فضاه

قاسم عريب الجد نسل آل ثاني

طابت مساعيه وطاب نباه

الصيرمي في كل أمر محنك

ماخاب مسعى من تميم وراه

رايه تعلت،في سما المجد رفرفت

وكلٍ سقى في ارضنا ضماه

شيد مبانيها،،سعى في عمارها

سخر لشعبه غايته ومناه

اشعوب ترفع لابن ثاني شعارها

تبنى له البيضا بجود عطاه

تميم نعجز مانعدد وصايفه

صعبٍ على غيره يطول مداه

إلا ندي الكف نبع العطايا

اللي ندر بين الشيوخ وفاه

هذاك زيزوم المكارم حميدها

هتان من جود الإله حبااه

سيره نرددها ونعشق سماعها

تاريخنا اللي مانمل صداه