عريب الساس

سلام يا نسل الشيوخ العزيزين
أهل الفعول الماضية والجديدة
آل الصباح اللي على الطيب ضارين
ضد الخصيم وباللوازم عنيده
جابر أبونواف بالعسر واللين
يا عز منهو كان جابر رصيده
يا سيدي قدرك على الراس والعين
ولك نظرتن بالطيب نظره بعيده
جابر عريب الساس والكل دارين
عسى الولي من زود فضله يزيده
وحبك سكن بقلوب شعب وملايين
وسامي سموك بالمواقف وليده
سيفن مجرب من قديمن وهلحين
حلال صعبات الأمور الشديدة
كلن شكر فعله قريب وبعيدين
وافي مع الوافي علومه مجيده
عزيز نفسن ياخذ الحق والدين
دون الوطن والشعب نفسه زهيده
يمشي على خشم العدو والبغيضين
وليا وعد مازل يوفي وعيده
على الرضا وألا على غير راضين
والمجد يفخر به صديق وعضيده
يمشي على درب الجدود القديمين
وكل البلد من حكمته مستفيده
هرجي وكاد وراصد له براهين
من شاعرن صاغ العلوم الأكيده
وصلاة ربي عد ما شافت العين
على النبي المصطفى والعقيده
حمدي الزعيلي الشمري