سود الليالي

‏?الله يادنـيـا علـينـا تكـبّـرت?

ونسيت يوم انْك اترجى اتصالي

العام لو ساعة تمر ما تصبّرت

واليوم مر الوقت حضرتْك سالي

بسيطه الدنيا وعجيبة تغيّرت

علي وانا كنت احسبك لي لحالي

وشفيك من بعد ارتفاعك تحدّرت

وارخصت قدرك يوم قدرك خيالي

ومن بعد بيض الابتسامات كشّرت

على الخفوق اللي من الحب صالي

لا خانو الخلان فيك وتعذّرت

نار الجفى ولا ذليل الوصالي

ولا دارت الايام فيك وتفكّرت

يعقب نهار الصبح سود الليالي

كتبت لك جزل المعاني وعبّرت

ولا يربح الخسران كثر الجدالي