طاري الحب

نهاية مشوار الحب ومحاولة تجنب كل ما يثير ذكرياته بهذه العبارات جاء هذا النص بحرفة أبو لسان...

خلصت أنا من طاري الحب ما أبيه

لـ حدٍ يعاتبني ولا أنقل عتابه

من أولٍ يوم الهوى زين شاريه

عيني تنادي له وقلبي مشابه

واليوم بعته بعد لقّى علابيه

من يوم شانت صورته ويش أبابه

رميت ملواحه وسمّحت داعيه

والطير طار وجعله الله ذهابه

والرجم الأقشر ويش أبي في مباديه

اللي يهيّض خاطر اللي رقى به

عيني تشوفه مير أمرّه وأعديه

أخاف قلبي لا يعاود عذابه

يوم الحبيّب صافي لي مصافيه

أبيع عمري لين أوقّف ببابه

وأشيل همه فوق همي وأداريه

ومعطيه ميثاق الغلا والحبابه

واليوم يوم انه نقض عهد مغليه

الله ولا حبٍ على غير ثابه

خله يروح وخل بقعاء تصحّيه

لامن عرف معنى خطاه وصوابه