ما توقف الدنيا

بحروف الشموخ واحساس العاطفة وبين شعور العاشق والحنين لذكريات الحب وتلاشي الأمل، جاء هذا النص الرائع محملا بأحاسيس الزيادي

ما توقف الدنيا على ذكرياتك

دام الأمـل موجـود والعمر توّه

انا كرهـت العيش من سيئاتك

عزّت على نفسي شموخ المروّه

تعبت اعـدّل في قناعات ذاتك

وعلمّك معنى الغلا وش سموّه

والحين لا تبكي على شي فاتك

انهـار حبـّك مـن مبـادي علـوّه

لا يكسر ارقبتك كثير التفاتك

ماهوب راجع غيث وقتك ونوّه

من نعمة النسيان دوّر نجاتـك

الحزن ما يرحمك لا شب ضوّه

حاول تلاحق ما بقى من حياتك

واللي تبي تسويه حـاول وسـوّه

يمكن تغيّر وحدتك من صفاتك

تعطيك من عـزم المقـاديـر قـوّه

منها تجمّع من ضياعك شتاتك

تـؤمن بـأن الكبر يـذبـح غلـوّه

اما فأنا قفيت لحظة فواتك

طلعت من عجة غرامك وجوّه

لقيت غالي ما يسوّي سواتك

طليق وجـه وبالمشاعـر مفـوّه

تفرق سماته كلها عن سماتك

دايم على وصلي يعيد وينـوّه

واصدق مثل خلاني اكره حياتك

لحظة يعيشني .. شعـور الابـوّه

شعر: مشعل الزيادي