تعب...!?

حقلٍ كبير... وقمح... وفاس... فزاعة!

وشيخٍ كبير... وبنتٍ جايبه شاهي...

ما فيه سكّر مثل هالعمر... مرتاعة

تخاف طرد السراب وقلبها اللاهي

ما انحنت هالسنابل سمعا وطاعة!

لا والله الا انحنت من حزنها الساهي!

صمتٍ مهيبٍ ولكن عقرب الساعة

ينبه الخاطر اللي دايمٍ فاهي

تقول يا ليل راح العمر باوجاعه

ينوب عن دمعتيني رعشة شفاهي

حبيت هذا التعب واخشى من ضياعه

واخشى على وحدتي من حظي الراهي

ولا ضمّها الا الحقل... والحقل شماعة!

واوجاعها والسنابل هي مثل ما هي!