طاري التوديع

ما ادري لقا فيه أجمل الحب ينعاد

ولا الوداع اسرج لعيني خيوله

نسيم فجر ينبه الورد بالكاد

او ريح تكسر كل غصنن تطوله

لا خلت لقيا شوق... هالليل يزداد

وان خلت فرقى.. ياخطاه العجولة

قلبي لطاري الوصل بالراح ينقاد

ومن طاري التوديع روحي جفولة

ياللي تظن الحب للحزن ميلاد

وياللي تظنه فرح صدرك ينوله

هذا الهوى ? هو بفقدن ولا اعياد

مثل الزمن دايم تعاقب فصوله

اذا عطا... لك أسعد الناس حساد

واذا منع... نفسك لنفسك عذولة

بالوصل تخضر السما كنها بلاد

وبالهجر ينهار المدى من ذبوله

وباكر لنا في مطلع الشمس ميعاد

إما شروق الحلم... ولا... آفوله