كحيلان ?

‏من وين اببدا به وعزه ضوا العين

من وين اببدا به من اسمه وطيبه

ان قلت عز الناس تشهد له سنين

وان قلت عدّا الطيب ما هي غريبه

يمناه .. لا انمدت تعز المساكين

ويسراه لا اشتدت تكف المصيبه

مبارك ابوه ولا انتخوا فعله يبين

لا ضاقت الدنيا بمن ينتخي به

وهو مربّا للفزع .. وقته يحين

لا اشتد موقف وقّف بكل هيبه

جابر كحيلان الفخر والعناوين

تذكر فعل يمناه من دون ريبه

ابو صباح الفعل من فعله يزين

اللي حشى ما تلحقه يوم خيبه

ابو الكرام اللي بيده الوفا دِين

كن الكرم مولود في وسط جيبه

ابو صباح ولا المحت فعله العين

يعجز لسان بذكر فعله وطيبه