غلطة عمر

المطر صوت الأماني لـ الضرير

اسعد اللحظات لا طاح المطر

ذكرياتك بـ انهماره تسصتنير

ويتساقط بين قطراته عمر

من شريط الذاكره فاح العبير

وادفع الي فات من عمري مهر

الشعر كان الشعر قدره كبير

وكل ما جيت اكتبك يرقا الشعر

افرش عيوني لجل طيفك حصير

كنتِ وجهه بس ماعندك نظر

ايه غبتي وانجرح صوت الأثير

ما بقالي غير عبرات و سهر

من رحلتي مابقا لـ الشعر غير

غير نقطه تنتهي بأول شطر

ليه تهدين الوصل كف الهجير

ليه احس بوحدتي وانتِ بشر

لي متى بكون لـ اعذارك اسير

جاوبيني ما على عذرك امر

واجد الغلطات والرأي الأخير

معك حبي يعتبر غلطة عمر