(الطيب ودروبه)

مواقف الرجال والأفعال تبقى بعد رحيل أهلها وتحيي ذكرها وبين الطيب والردي وهذا الشعور اجادة قريحة الشاعر المورقي بهذا النص:

الطيب دربه صعب واحماله احمال

ويا بخت من متنه يشيل الحموله

الحر متنه قاسي وكنه جبال

بالعزم تسبق للصداره ذلوله

فيه المراجل مزنه امطارها انفال

لو امطرت بانسان يثمر رجوله

ولا الردي بالدرب كنّه بزلزال

مترنح الخطوات عرضه وطوله

ما صار له بالطيب سمعه ولا فال

بأول خطى المشوار ماتت رحوله

يحاول بمرقى الطويله ولا طال

اما الحفر فيها يطيح بسهوله

ما يذكرونه حي وان مات ينقال

روّح ولا له بالمراجل بطوله

الطيب دربه درب واحماله احمال

ولا كل متنٍ يرتكي للحموله