هيض القلب

هيض القلب مصلح يوم واق الطويله
ذاكر له ديار عن دياره بعايد
يالله اليوم يا معطي العطايا الجزيله
يا معين الضعيف يا صدوق الوعايد
ترحم اللي زهابه كل يوم يشيله
ما حصل له مقبل ويونس الحيل بايد
نتبع نابي اللي مايوني رحيله
كل يوم ذلوله قدم ربعه تحايد
لابغي الدرب في قلبه سواة الحليله
ماخذا الشور من ناس تحب الوسايد
الركايب مجافي يتبعن الدليله
والمحادير في عاشور مثل العوايد
ما حلا كنه الباطن محادير سيله
فوق هجن تشوش الى بدوا بالقصايد
ولا وطيت الشقايا أو خذيت الثميله
شفت حي لهم في ذيك الاوطان رايد
يوم دارت باهلهن عقب تسعين ليله
يابسات معاذرها سوات الجرايد
شعر: صقر النصافي