سطام يا سطام

الدوسري شاعر يعانق الشعر بهذا النص ويصافح ذائقتكم ويخاط سطام ويقول السالفة طالت عسى في الأمر خير

سطام يا سطام ويش التدابير

ما عاد بقية فـ الوظايف وظيفه

والموقف الطيّب ما يحتاج تبرير

هذي فرس عنتر وذا حد سيفه

على سما الارزاق ما طار لي طير

ولا ارتكي على العزوم الضعيفه

والسالفه ماغير ماغير ماغير

جور الليالي والليالي مخيفه

تومي بي الدنيا من طويق للنير

والقلب واضح والنوايا شريفه

لكن يا سطّام اقدّرك تقدير

واحالفك حلف الحليف لـ حليفه

السالفه طالت عسى فالامر خير

قدّام لا ادحدر بـ وادي حنيفة

ما ودي احدّك على الكايده مير

حدتني ظروف الحياة الكسيفه

يا مفسّر الواقع على الناس تفسير

كلً على مسعاه يردف رديفه

واليوم غير وحزة الصادقه غير

قمت اتثاقلها مع انها خفيفه