?باكر أجمل !?
| عبدالعزيز ثويني الدلح |
صباح الـ أمنيات المستحيله
صباح الـ باكر أجمل، باكر أجمل
صباح الطفل والسكه الطويله
قبل ما يترك الحاره ويرحل
صباح الذكريات اللي تجيله
ويصد بدمعة عيونه، ويذبل
صباح أمه وقصة كل ليله
وعيونه يوم يغفى قبل تكمل
صباح أبوه واقهوته وهيله
ومجلس للنشامى كان مدهل
صباح اخوانه وسفطة شيليله
وعلى السفره منو اللي يخلص اول
صباح المدرسه وصوت الفضيله
صباح النوم قبل الباص يوصل
صباح ايدينه الهشه النحيله
ليا من ودع امه قبل يدخل
صباح الدرس وأقلام و وسيله
صباح الواجب اللي ناسي الحل
صباح الورده وخل وخليله
صباح الشمس قبل الشمس تنزل
صباح الهدّه و ياقل حيله
وهو في زحمة الطلاب مُهمل
صباح الشارع اللي تهتدي له
كثير وجيه تتوسل وتسأل
صباح اللي كبر عن عمر جيله
صغير وفي همومه كان مُثقل
يحس ان اهتماماته جليله
يشوف ألعابه اكثر شي مُخجل
تشده نظره البؤس الذليله
على وجهٍ بعد عزه تذلل
ويكره ضمة اليد البخيله
وكفنا دون مخبا ليه نبخل
ويعشق هدة الخيل وصهيله
تحت من هد وبما هد أقبل
يشوف ان المسا لـ ارخى جديله
يغض الكون طرفه ويتسهل
تنام عيون وعيونٍ عليله
وعين الله ماتغفى وتغفل
على انه طفل واعلومه قليله
اذا ساق الرجل دمعه.. تزلزل
دموع الرجل بعيونه، ثقيله
تجي صعبه وبعض احيان تسهل
نثرها رجل من فرقى خليله
ونثرها رجل من مصرع ومقتل
كبر ذاك الطفل وبكل ليله
يمر الحاره ويصغر ويبذل
هنا له صحبه وجار وقبيله
هنا له ضحكة وذكرى ومنزل
هنا الساحه بحصاها تنتمي له
يحس اغبارها فيه يتغلغل
هنا الدكان واحلامه هزيله
وبالحلوى ورا الباب يتغزل
هنا امه يوم كانت تشتكيله
وليدي والحمل كل يوم يثقل
هنا «ناصر» ابو النيه النبيله
صغير وماتت امه وصار مختل
نعم مختل بلا قدره وحيله
ولكنه معاهم كان الأعقل
فقير وخبزته اكبر حصيله
يحس الأرصفه لانام، مخمل
هنا كان الغريب اللي اتعني له
كثير امن القريب ألطف وأنبل
هناك كان الفقر راعي جميله
يعلمك كيف من صغر اتمرجل
وقف والهم في صدره يشيله
ولقى خده من دموعه تبلل
مناظر كثر ماكانت جميله
كثر ماكانت امن البؤس تحمل
كبر ذاك الطفل واشتد حيله
يزود العمر والهقوات تنزل
إلين اليوم.. واحلامه قتيله
وطموحاته تودع قبل تكمل
الين اليوم.. وطبوعه تحيله
على صبره.. لو ان الصبر طول
وكل ماتظلم ويطفي فتيله
رفع لله يديه وقام يسأل
ولا حاجه مع الله مستحيله
رغم أنف التشاؤم.. باكر أجمل
@3z_aldl7
صباح الـ باكر أجمل، باكر أجمل
صباح الطفل والسكه الطويله
قبل ما يترك الحاره ويرحل
صباح الذكريات اللي تجيله
ويصد بدمعة عيونه، ويذبل
صباح أمه وقصة كل ليله
وعيونه يوم يغفى قبل تكمل
صباح أبوه واقهوته وهيله
ومجلس للنشامى كان مدهل
صباح اخوانه وسفطة شيليله
وعلى السفره منو اللي يخلص اول
صباح المدرسه وصوت الفضيله
صباح النوم قبل الباص يوصل
صباح ايدينه الهشه النحيله
ليا من ودع امه قبل يدخل
صباح الدرس وأقلام و وسيله
صباح الواجب اللي ناسي الحل
صباح الورده وخل وخليله
صباح الشمس قبل الشمس تنزل
صباح الهدّه و ياقل حيله
وهو في زحمة الطلاب مُهمل
صباح الشارع اللي تهتدي له
كثير وجيه تتوسل وتسأل
صباح اللي كبر عن عمر جيله
صغير وفي همومه كان مُثقل
يحس ان اهتماماته جليله
يشوف ألعابه اكثر شي مُخجل
تشده نظره البؤس الذليله
على وجهٍ بعد عزه تذلل
ويكره ضمة اليد البخيله
وكفنا دون مخبا ليه نبخل
ويعشق هدة الخيل وصهيله
تحت من هد وبما هد أقبل
يشوف ان المسا لـ ارخى جديله
يغض الكون طرفه ويتسهل
تنام عيون وعيونٍ عليله
وعين الله ماتغفى وتغفل
على انه طفل واعلومه قليله
اذا ساق الرجل دمعه.. تزلزل
دموع الرجل بعيونه، ثقيله
تجي صعبه وبعض احيان تسهل
نثرها رجل من فرقى خليله
ونثرها رجل من مصرع ومقتل
كبر ذاك الطفل وبكل ليله
يمر الحاره ويصغر ويبذل
هنا له صحبه وجار وقبيله
هنا له ضحكة وذكرى ومنزل
هنا الساحه بحصاها تنتمي له
يحس اغبارها فيه يتغلغل
هنا الدكان واحلامه هزيله
وبالحلوى ورا الباب يتغزل
هنا امه يوم كانت تشتكيله
وليدي والحمل كل يوم يثقل
هنا «ناصر» ابو النيه النبيله
صغير وماتت امه وصار مختل
نعم مختل بلا قدره وحيله
ولكنه معاهم كان الأعقل
فقير وخبزته اكبر حصيله
يحس الأرصفه لانام، مخمل
هنا كان الغريب اللي اتعني له
كثير امن القريب ألطف وأنبل
هناك كان الفقر راعي جميله
يعلمك كيف من صغر اتمرجل
وقف والهم في صدره يشيله
ولقى خده من دموعه تبلل
مناظر كثر ماكانت جميله
كثر ماكانت امن البؤس تحمل
كبر ذاك الطفل واشتد حيله
يزود العمر والهقوات تنزل
إلين اليوم.. واحلامه قتيله
وطموحاته تودع قبل تكمل
الين اليوم.. وطبوعه تحيله
على صبره.. لو ان الصبر طول
وكل ماتظلم ويطفي فتيله
رفع لله يديه وقام يسأل
ولا حاجه مع الله مستحيله
رغم أنف التشاؤم.. باكر أجمل
@3z_aldl7
