البارحة يا سحيم
الشاعر والصقار المعروف جمعان عايض العازمي تذكر ايام المقانيص الماضية وكان متشوّقا لطلوع نجم سهيل واسند هذه القصيدة على زميله الصقار سحيم فلاح بن عايش...
سلام مني لرجال المشاكيل
اللي لهم قدر وقار ومهابه
سلامٍ احلا من حليب المباهيل
اللي على الضامي لذيذٍ شرابه
والبارحه ياسحيم يوم ادبح الليل
فكري غدابه هاجسي ونتحابه
الليل قضيته اجر المواويل
لين النهار الصبح بين شهابه
ولاعندي الا عزبتي والمعاميل
ووراق شعري والقلم والكتابه
اصايد الشرد وصوغ التماثيل
من هاجسٍ لج الصدر ولتوابه
يا سحيم ابن عايش فدوك الدعابيل
اسمع كلام اللي صحيحٍ جوابه
انا اليا من العرب طرو سهيل
وكلٍ على النقله يحسب حسابه
وهب البراد وزان جو التعاليل
والقيض روّح وقتفتبه ركابه
صارت غرابيلي خفاف وتساهيل
وقلبي دله عن ما حشره وسطابه
وانا غرامي شوف هاك المداهيل
قفرٍ خلا مبطي ولا احدٍ وطابه
من الغضى ياسحيم وذيك الغراميل
ويسار لشعابه وعالي هضابه
عسى الحيا يسقيه سيلٍ ورا سيل
يملا الفياض وتمتلي به شعابه
وياماحلا هد الوحش يا رجاجيل
في خايعٍ قفرٍ خضاره زهابه
اشقر عديم الوصف ضافي السراويل
اللي على الخارم عطيبٍ صوابه
نرجي هداده بالليالي المقابيل
من واحدٍ نرحي ونطلب ثوابه
تمت وصلوا عد وبل الهماليل
على النبي وعداد سافي ترابه
سلام مني لرجال المشاكيل
اللي لهم قدر وقار ومهابه
سلامٍ احلا من حليب المباهيل
اللي على الضامي لذيذٍ شرابه
والبارحه ياسحيم يوم ادبح الليل
فكري غدابه هاجسي ونتحابه
الليل قضيته اجر المواويل
لين النهار الصبح بين شهابه
ولاعندي الا عزبتي والمعاميل
ووراق شعري والقلم والكتابه
اصايد الشرد وصوغ التماثيل
من هاجسٍ لج الصدر ولتوابه
يا سحيم ابن عايش فدوك الدعابيل
اسمع كلام اللي صحيحٍ جوابه
انا اليا من العرب طرو سهيل
وكلٍ على النقله يحسب حسابه
وهب البراد وزان جو التعاليل
والقيض روّح وقتفتبه ركابه
صارت غرابيلي خفاف وتساهيل
وقلبي دله عن ما حشره وسطابه
وانا غرامي شوف هاك المداهيل
قفرٍ خلا مبطي ولا احدٍ وطابه
من الغضى ياسحيم وذيك الغراميل
ويسار لشعابه وعالي هضابه
عسى الحيا يسقيه سيلٍ ورا سيل
يملا الفياض وتمتلي به شعابه
وياماحلا هد الوحش يا رجاجيل
في خايعٍ قفرٍ خضاره زهابه
اشقر عديم الوصف ضافي السراويل
اللي على الخارم عطيبٍ صوابه
نرجي هداده بالليالي المقابيل
من واحدٍ نرحي ونطلب ثوابه
تمت وصلوا عد وبل الهماليل
على النبي وعداد سافي ترابه
