الحياة حظوظ
ياطير حزنك ماغير الصبح واليوم
وانا امس واليوم والصبح وقفيه
ياطير والله ماغير اطيح واقوم
طيحة خوي يدافع عن خوية
اجاهد النفس مثل الفرس والروم
فأشد واقسى الحروب العالمية
وادري على خاطر غالي ومحشوم
من شرهته لايسندها عليه
والا ورا هالضلوع علوم وعلوم
لاحد مالانهاية سرمدية
ياطير ياللي صفقت الريش بالحوم
وانا برجلي طويت الجرهدية
انا من الظلم ميت وانت مظلوم
ارفع جناحك وانا برفع يديه
لله منادي بوجهه كل مظيوم
اللي يدير البسيطة والبرية
يزيد معطى ويكفل رزق محروم
والا تجي بالتساوي ذي وذيه
حظوظ تلبس بشوت وتنقل ختوم
وحظوظ ماتسرح الا في الرعية
وين انت ياللي قدر فرقاك محتوم
ماشح بك غير الاوفاق الرديه
ياقسمتي والحياة احظوظ وقسوم
ياقمة الموهبة والشاعرية
يالوجه من سحاب ونار غيوم
واطارها وردتين ومزهرية
كني خوي السهر ومحارب النوم
من يوم ماصرت عني وانت ليه
بيني وبينتك روابط حب وسلوم
شبت وشابت ووافتها المنية
اخاف اجيها وانا مانيب معزوم
واجلس بليا فراش ومقدريه
اصبر واثابر واساوم وافرق السوم
وامدها من كفوفي حاتميه
والصبر محمود كن الصبر مذموم
لافقت من بعض الافكار الغبية
ذكرت يامااال فرقاالعين... ياقوم
اول هدية غلا واخر هديه
النظرة اللي سهمها بأربع سهوم
ركبتها في ظلوعي لولبيه
غسلت وجهك من الشرهات واللوم
واقفيت حتى مارديت التحية
