كحيلان
| شعر: حامد زيد |
أثناء احتفال نادي النصر بحصولهم على الدوري وتكريم سمو الامير: فيصل بن تركي بن ناصر بن عبدالعزيز رئيس نادي النصرالملقب (كحيلان ) شارك الشاعر النجم حامد زيد بهذه القصيدة الرائعة في مدح كحيلان وهو يستاهل
يا شعر في مدح الجبال الراسيات ارقا سنود
ولا تنثني كلمة مديح وفي يديك حبالها
اليا وردت اورد على خير المناهل والعدود
واليا جمعت اجمع من ابيات القصيد جزالها
لو ما تجود بكلمة تسوى وقوفي لا تجود
الكلمه اللي ما تجملني تروح بفالها
والرجل ودك لي مدح يمدح على روس الشهود
وكلمة مديح في اجودي ترفع قدر من قالها
خلوني اسدل من ستار محبتي عشق لدود
وأثني على سيرة شهامة دوخت عذالها
وانا ليا مني مدحت اللي عطاه ابلا حدود
ازف له بنات فكري كل بنت لحالها
قصيدةٍ ما تستحق الا عريبين الجدود
مثل الهنوف اللي تفز اليا حضر رجالها
بنت روايحها تفوح بكل عطر وكل عود
فلت شعرها من غلا قرم شرب فنجالها
قصيدةٍ عديتها في مدح فيصل بن سعود
تولعت في حب ابو تركي وشافت حالها
ابلا قصور بالرجال ولا على الباقين زود
لكنك انت اللي محقق للحشود آمالها
وانت الزلال اللي غسل نار الحناجر والكبود
وانت الشديد اللي جمع كل الحمول وشالها
حديت عينك للسهر وعيون خلق الله رقود
واسرجت رجلك في الفجوج ولا خشيت اهوالها
شرفت جمهورك نصر ونهكت تاريخك صعود
واسرفت في حب البلاد وصرت رمز ابطالها
ما زادتك كثر الصعايب بالسنين الا صمود
حتى رقيت القمه اللي ماحدٍ يرقالها
في طيبتك في هيبتك في كفك المليان جود
في حلم نفسك في تواضعها فطولة بالها
شتت حلم من سراب وعشت حلم ابلا حدود
وسويت بصدور الرجال اللي محد سوالها
لا قالوا (كحيلان) شاشت بالجماهير الحشود
يوم ان ما يزها الكحيلا الا انت يا خيالها
والطيبه اللي ترسم البسمه على الوجه الودود
يا كثر ناسٍ ودها فيها ولا تقوالها
عزالله انه ما كرهك من الرجال الا الحقود
ولا يشكك في يمينك من يعرف افعالها
خل الغلا بقلوبنا واصبعك في عين الحسود
عين تبي تطلع مطاليعك ولا تقوالها
وانا حضرت يقودني حبك على شوفتك قود
ياهامةٍ ياما طمحت اوقف بيوم قبالها
شفني عنيت من الكويت اقطف من اشعاري ورود
عاني ولا كل الوجيه الغاليه يعنالها
بسمي وبسم اهل الكويت اللي يوفون العهود
والفي على دار يظل المسلمين ظلالها
دار الملك سلمان ابن عبدالعزيز ابن سعود
اللي حمى حد البلد من جالها لي جالها
ويامير انا يوم امدحك ماحدني للمدح كود
حب الرجال اللي قليل بالرجال امثالها
والرجل ودك لي مدح يمدح على روس الشهود
ولا يبات بخاطره كلمة ثناء ماقالها
يا شعر في مدح الجبال الراسيات ارقا سنود
ولا تنثني كلمة مديح وفي يديك حبالها
اليا وردت اورد على خير المناهل والعدود
واليا جمعت اجمع من ابيات القصيد جزالها
لو ما تجود بكلمة تسوى وقوفي لا تجود
الكلمه اللي ما تجملني تروح بفالها
والرجل ودك لي مدح يمدح على روس الشهود
وكلمة مديح في اجودي ترفع قدر من قالها
خلوني اسدل من ستار محبتي عشق لدود
وأثني على سيرة شهامة دوخت عذالها
وانا ليا مني مدحت اللي عطاه ابلا حدود
ازف له بنات فكري كل بنت لحالها
قصيدةٍ ما تستحق الا عريبين الجدود
مثل الهنوف اللي تفز اليا حضر رجالها
بنت روايحها تفوح بكل عطر وكل عود
فلت شعرها من غلا قرم شرب فنجالها
قصيدةٍ عديتها في مدح فيصل بن سعود
تولعت في حب ابو تركي وشافت حالها
ابلا قصور بالرجال ولا على الباقين زود
لكنك انت اللي محقق للحشود آمالها
وانت الزلال اللي غسل نار الحناجر والكبود
وانت الشديد اللي جمع كل الحمول وشالها
حديت عينك للسهر وعيون خلق الله رقود
واسرجت رجلك في الفجوج ولا خشيت اهوالها
شرفت جمهورك نصر ونهكت تاريخك صعود
واسرفت في حب البلاد وصرت رمز ابطالها
ما زادتك كثر الصعايب بالسنين الا صمود
حتى رقيت القمه اللي ماحدٍ يرقالها
في طيبتك في هيبتك في كفك المليان جود
في حلم نفسك في تواضعها فطولة بالها
شتت حلم من سراب وعشت حلم ابلا حدود
وسويت بصدور الرجال اللي محد سوالها
لا قالوا (كحيلان) شاشت بالجماهير الحشود
يوم ان ما يزها الكحيلا الا انت يا خيالها
والطيبه اللي ترسم البسمه على الوجه الودود
يا كثر ناسٍ ودها فيها ولا تقوالها
عزالله انه ما كرهك من الرجال الا الحقود
ولا يشكك في يمينك من يعرف افعالها
خل الغلا بقلوبنا واصبعك في عين الحسود
عين تبي تطلع مطاليعك ولا تقوالها
وانا حضرت يقودني حبك على شوفتك قود
ياهامةٍ ياما طمحت اوقف بيوم قبالها
شفني عنيت من الكويت اقطف من اشعاري ورود
عاني ولا كل الوجيه الغاليه يعنالها
بسمي وبسم اهل الكويت اللي يوفون العهود
والفي على دار يظل المسلمين ظلالها
دار الملك سلمان ابن عبدالعزيز ابن سعود
اللي حمى حد البلد من جالها لي جالها
ويامير انا يوم امدحك ماحدني للمدح كود
حب الرجال اللي قليل بالرجال امثالها
والرجل ودك لي مدح يمدح على روس الشهود
ولا يبات بخاطره كلمة ثناء ماقالها
