وطن

وطن لا تسأل المنفي عن احساس الغلا المخنوق

تقفته السنين وحن حتى مات بغيابه

يحن وكل ما يلمس اثر طعنه يموت الشوق

رضى في غربة المنفى ولا ياطى على ترابه

حبيبي لا تعاتبني على كاس الغلا المدفوق

شربته من كفوفي لين قلبك راقت اعشابه

ورجعت لصدري الدافي تردد طعنتك برفوق

حسافه ليتها زلة بشر ويعود لحبابه

تماديت ابطعون الصد حتى صار ماله ذوق

بعد ما كنت لو صدك اعيشه حب واسلابه

كسرت الخاطر الي لك كسر قوة حصار الطوق

كسر حتى كلام اهله وجاك بنفس ذوابه

على ايش اعلل اجروحي ولا بليل الجروح اشروق

اذا قلبك عن العاني قفلت بصدك ابوابه

انا بموت بلمنفى ولا ارجي رحمت المخلوق

تعبت امن الغرق داخل بحر مجهوله اسبابه

تعبت اسامح اغرورك وادور في رضاك حقوق

ترا حتى الوطن لاعاف قربك بعدك اولا به

حبيبي كم سطى كفك على جرحي وشلتك فوق

حبيبي كم عتب قلبك علي وتهت بعتابه

ذكرك المقبل المقفي كماء ليلن كسته بروق

تلوح وتختفي وارجع اعيد العمر وحسابه

ذكرت احلى كتاباتك على دفتر غلا محروق

حروفك اسمك ورسمك وعطرن كلي احيابه

وذكرت الطعنه السوداء وجرحن بالصدر مفتوق

وقلت الي قتل واحد كثير الموت بسبابه

تعذر لك جروح الامس والحاضر عليها يفوق

حرام يكرر الثعبان في جسم البشر نابه

نزح طير الغلا جالي ولا لك في يديه سبوق

مادام ان الله الوالي وضع رزقه بمخلابه

عطاء ارياح الفضاء صدره عساء ماله بدربه عوق

نصاء هاك الزراق الي حمل ريشه وهلابه

متى ما جمله ريشه على هام السحاب يتوق

نسى كل الدروب وعاش مع همه ومرقابه

حبيبي كنت له موطن وعاش بداخلك مخنوق

ونوى وجه الغياب وهام لا تسأل عن غيابه