(بالله قلّي)
| فهد رفاعي |
ياحالي اللي غادي كنه السلك
مثل السلوك المبرمات الدقاقه
وياهم ياهم الجفا ماتحملك
حملك ثقل والصبر مر مذاقه
مقوى عذاب اللي يقوم ابتجاهلك
اما دلع والا تصرف حماقه
امسيت كني مالك بالهوى ملك
واصبحت تطويني بلاوي فراقه
ياهيه لا تقطع محب مواصلك
على الاقل حدد مصير العلاقه
ان كان هذا بالمحبة تعاملك
بالله قلي وين حق الصداقه
ماتستحق صداقتي لك فعايلك
من بادرك بالود بالود لاقه
لجلك تحملت المشقه وأجاملك
واعاملك بكل لطف ولباقه
وقطعت عني فوق هجرك رسايلك
ولاعاد لي باللي تسويه طاقه
واليوم بطوى وسط الادراج فايلك
وأحاول انسى ماجرى في سياقه
