الوداع ... !

ما انكسرت من الوداع الا انكسرت

وضاقت الدنيا على وجيتها

غيرها دورت لكني خسرت

طعت عدواني بها وهديتها

ليه يا قلبي تخليها بطرت

لو انا منك ترى داريتها

ما قسيت الا انا فيها كفرت

لا تحلف ... الا انا ذليتها

لولا خوفي من الكفر مبطي انتحرت

وشلي بدنيا بعد اذيتها

بعين عذالي انا فعلا كبرت

بعد ما طعت الحكي وخليتها

لو انا فعلا احبها ما قدرت

ولا انا فعلا ترى حبيتها

سولفوا فيها وأنا فيها كسرت

زلتي وانا اعترف زليتها

قلت روحي دامني منك طفرت

وحاجتي مبطي معك قضيتها

وقلت يا بنت الاوادم ما ثمرت

غيرهم وعيشتك مليتها

قالت اصبر قلت يكفي واستدرت

قالت انت اللي ترى بديتها

وبعدها راحت وساعتها افتكرت

جيت اكحلها واثاري اعميتها

اعتذرت او ما اعتذرت او اعتذرت

وش يفيد العذر لا طميتها