نيران الغرام

الحق حق وحرمة المسلم على المسلم حرام

والله يحق الحق والدنيا كفا الله شرها

وان ما يقام الحق فالدنيا على الدنيا السلام

تطمس معالمها الحقيقية ويفضح سرها

والظلم ظلمه ما يقر الظلم دين ولا نظام

الله يجير الخلق من برد الجحيم وحرها

تستنكره كل الرياجيل العزيزين الحشام

اللي على جملة مكارمها يدلك برها

يا بو عيون سود لا يلحقك من يمي اثام

ظلمت منك وذقت من حلو السنين ومرها

ذوقتني كاس عقب فرقاه ما ذقت المنام

اسهر على كوعي وعذبات اللحون آجرها

واسمع صدى صوتك يجاوبني ويرسل لي كلام

واستقبل آخر المشاعر منك واونس حرها

اواه واحر الغرام وحر نيران الغرام

له سطوة تغني منافعها ويبقى ضرها

يا للي تناصحني وتلحقني مشاريه وملاام

شرهتك سرحها مع الشرهات والا سرها

لي صاحب حبه سكن فالجسم من بين العظام

له ضحكة صح الله لسانه ولله درها

ان كان ودك صدق تخدمني ولي عندك مقام

واتشكرك واحفظ لك اجهودك معي واقرها

وصل تحياتي لمحبوبي وبلغه السلام

وقله يسلم لي على ديرته... كانه مرها