عشق .. وعتاب

كان الزمن يا قلب له مخلب وناب

من سبته يدمي قصيدي .. معاني

وكان الجفا ينهي علاقات الاصحاب

ما يقطع الا حبال شخصٍ .. اناني

اخص لامن صار ما بين الاقراب

قرب القلوب الساكنة .. فـالمحاني !

يا صاحبي كان الخطا سكر وذاب

ترا العذر معسول .. ما هو يماني !

شفني من حروق الزمن جيت منصاب

وروّحت من زود القطاعه اعاني

عديت لك نفسٍ ... تعزك وترتاب

امن البعاد اللي .. يقص الثواني !!

ما هو مهم لوكان ما قلت الاسباب

بس المهم تبقى الاماني اماني

ولا يا خذك وقتٍ زرع ظرفه غياب

لا يا بعد منهو .... ذكرك ونساني !

انت الوحيد .. اللي فتح للهوا باب

مامـر قبلك قلب صادق نصاني

ولا تجرعت السهر عشق وعتاب

ولا تخيرت اغترب .. عن حناني

خل الزعل عنك ترا الوقت كذاب

اقرب ترا الفرقى لها اسلوب ثاني

ياصاحبي من قبل لا اقفل كتاب

سطره لفاك ونزف حبره خذاني

ادري وتدري خاطري منك ماطاب

وان الغلا والشوق يمك .. دعاني

خايف يمر الوقت ياسيد الاحباب

والقى .. فـ قلبك من يسد بمكاني !