صدق الأفعال

‏يا طيب سولف موقف العز و اختال

والطيب نبراس الرجال المشاكيل

يا بو صباح و موقفك موقف ارجال

لا والله الا يعجزون الرجاجيل

انت البطل لا عدّدوا فعل الابطال

و الفعل واضح مايبي شك او ميل

والموقف اللي تثبته صدق الافعال

على النقا ماجاه زيفٍ و تعديل

والموقف اللي تنضرب فيه الامثال

يبي ارجالٍ صدقها يعدل الكيل

والموقف اللي تفتخر فيه الاجيال

موقف حقيقي مايجي فيه تمثيل

والموقف اللي ثابت بكل الاحوال

موقف فخر ما شوهه اي تضليل

هذي المواقف تختصر كل الاهوال

ويفخر بها التاريخ جيلٍ بعد جيل

هنا ارتوى التاريخ من بعد ما طال

حكمة سموك وابتدا يجري السيل

واللي صعد عزه و مجده و لا مال

غصبٍ على التاريخ والقال و القيل

يصعد ويصعد بالفضا كنه هلال

ويشرق كما صبحٍ كسر عتمة الليل

ابو صباح المجد والمجد لا زال

يكتب ويقرا كيف فعل الرجاجيل

فرج الشمري