وين يا حب الطفولة... ؟!

الشاعرة القطرية مي الحبابي تحضر هنا بكل تميزها وجمالها، ونص يعيد ترتيب أبجديات العشق والذكريات...!

يوم جن الليل وارخى لي سدوله

والنجوم بنورها تكسي سماها

والشعر واصناف بوحه طاب قوله

وا?ماني وصلتني منتهاها

شفت انا زوله وكني بس حوله

والمحاجر ماكدت من عذب ماها

اتشره وين ياحب الطفوله

مارحمت اللي شقاها في غلاها

وين حسك ياعنا عمري ب طوله

وين ودٍ فيك يالروح ايتباها

وين يومٍ  قربت منك ملوله

واتمنى ماتبعد في خفاها

كيف؟حظي يالغلا شحت حلوله..؟

واحرمت حدب الحنايا من هواها

ليه شحت واجدبت منا سيوله..؟

ماكفاها هي تبيه وهو يباها

وين حلمٍ كان تسبقني خيوله

ذابت غصون الغلا ماحدٍ سقاها

فقت كني باستمع شيٍ يقوله

عبرة العشاق ياعيني بلاها