كيف أشوفك...؟!

‏خبروها ضايق ٍ صدر الشمالي

‏وعادة الصدر الشمالي مايضيق‏

‏غير لا فارق من الغالين: غالي

‏تصبح جفونهـ من دموعه حريق

في ليالي حبك اتعبت الليالي

مير ليلك بالموادع نشف ريق

ادري انك منت هالليلة بسالي

وادري ان حزنك من الفرقا عميق

وتدري انه عقب بعدك كيف حالي

مثل مظلوم على الاعدام سيق

كيف اشوفك والقدر حرم وصالي

قدم عيني مير ما حولي طريق

احتضن بضلوع صدري كل صالي

واكتم الانفاس ويزووم الشهيق

يمكن انگ / لو ( تدور ) عن بدالي

في حلومگ تتعب النفس وتفيق

وكيف أدور عن بدالگ.... ياحلالي

وانت فيگ (القلب ) تتويجه غريق

ضايق ٍ وافهق من الضيقة عقالي

وعادة الصدر الشمالي ما يضيق

خالد الدعسان العنزي