شراع الغرام

ضيدان شاعر يصوّر مشاعر الغرام والعاطفة عبر هذا النص الرائع ونحن نرحب به وبمشاركاته.

الغالي اللي فرَد للبعد جنحانه

واقفى وخلا خفوقي في حراويّه

طوى شراع الغرام وعاف قبطانه

واستنزف دموع عينه وانجح الكيه

ما خلّف الا بقايا روح ذبلانه

ومن سابِق الذكريات الفين مطويه

ليته رفق بالصويب اللي على شانه

ارخص دموعه قبل يرخص قوافيه

راح وترك عاشقه في وسط زنزانه

الغى مواعيد وصله واخلف النيه

الهم يضرب ضلوع الصدر واركانه

والعين من ذي شوي وهذي شويه

وش ذنبه اللي حِرِم من شوف خلانه

ومن العرب صايبه ضيق وحساسية

وليا بغى يسج مع ربعه وصحبانة

اونس بقلبه سواة الجمرة الحيه

والغالي اللي حديت الرجل من شانه

طمعت في حسْنته واعطاني السيّه

ضحّى ب صرح الغرام وهدّ سيسانه

واقفى وخلّى خفوقي في حراويّه

|?شعر: ضيدان خالد بن قضعان?|