من لا يعرفك

مبارك الطومي شاعر كبير ومراقب النصوص في برامج ديوانية شعراء النبط وله مشاركات كثيرة في برامج الديوانية اخترنا من قصائده هذه القصيدة الهادفة

من لا يعرفك لا تظنه يثمنك

ويضيع قدرك عند من يجهلونك

وبخصيك عند الي انت منهم وهم منك

الي انت تبخصهم وهم يبخصونك

ان جان لك بطيب فعل يبينك

موارث الأجواد ما يجحدونك

يرفعك فعل المرجله ما يطمنك

وهل الوفا والطيب ما ينكرونك

الا من حظك عاثر بك وهاينك

لو تستحق المدح ما يمدحونك

طيب بليا حظ لو طار معدنك

بالمدح والتشجيع ما ينهضونك

تصير مدحتهم يسارك وبيمنك

ويذكر فعل غيرك ولا يذكرونك

لو انك حاضر عضرهم ما نعينك

وتطوف مدحتهم وراك ودونك

وان جان ما ربك على الصبر عاينك

أتشيل من كثر المصايب عيونك

بعض الكلام اليا سمعته يجننك

من بعض ناس قصدهم يجرحونك

اليا سمعلك فايها ما يواطنك

ويزعل اليا شاف العرب ييدونك

أحذر كلام الناس يخلف توازنك

لا يغيرون أرياك وعقدونك

ولا تستعين بواحد ما يعاونك

ولا تحتري للعون من قوم عونك

ولا تزبن الي ما تظنه يزبنك

ولا تدخل في شؤن ماهوبشؤنك

ولا تماطل الي من حلاله مدينك

قدر خيار الناس ويقدرونك

وحلال غيرك لا تظنه يبدنك

وهل الطلب لا بد ما يطالبونك

وان بان لك بعض الجفا عند لاينك

أعلن عن التبديل ويبدلونك

وعرف ترى راحت ضميرك امسكنك

لا صارو الجيران ما يزعجونك

وترى صديق تلتجيله ويمهنك

أكبر عدو يختلف عن ضنونك

وترى لو خادمك وقريب منك

يكثر ضماك ان ما سقنك حفونك

ان كان عندك مال كثرو زباينك

يدورون ارضاك وشجعونك

ولو قل مالك كلهم جنبو عنك

عقب الغلا والعز ما يواطنونك

طعني وجنب عن ضعنهم وضعاينك

بالك توالم ناس ما يوالمونك

اما تجي لهلا المطامع على بنك

ولا يجون عداك ويحاربونك

لا تنطوي سبة زعلهم ويشحنك

غيض الذي بالضيق ما ينفعونك

ورزقك على اللي من ترعرعت ضامنك

ان ما رحمك الناس ما يرحمونك