درب السلامة

الشاعرة بنت الذيب واشراقتها الجميلة والمميزة الاولى في صفحتكم السابعة صباحا، هنا شاعرة قادرة على خلق الجمال بكل سهولة، وهنا نص يبشر بالاجمل دائما...!

درب السلامة يا عسى وجهتك خير

ويا جعله التوفيق يبارك خطاويك

بدربٍ سلكته ناويٍ فيه تغيير

ترجع لنا والروس مرفوعةٍ فيك

يا صاحبي لك بي غلا دون تسوير

بأستودعك ربٍ قديرٍ ويحميك

يا صاحبي والحر يكفيه تأشير

وأنت الحريص ولكن أبغى أوصيك

جنب تجالس لك ردي ونافخٍ كير

وفكرٍ مسمم لا يغرك ويغريك

يا صورة الإسلام في ديرة الغير

وانت الكفو والخير كله مباديك

تروح وترجع سالمٍ بالتباشير

يالغالي وربي يحقق رجاويك

بنت الذيب