سعد بن جدلان يقول :

الفوز ماهو فوز كورة وبالوت

ولا شعر ولا مزاين قبايل

الفوز والله توبة تسبق الموت

قبل الوداع وقبل شد الرحايل

الروح مثل المال والموت ساحوت

والموت ما يفرق بقاصر وطايل

هذي نصيحة جد والعلم مثبوت

ولاخير في قولٍ بليا دلايل

تغانمو الاوقات والوقت موقوت

الوقت مثل الظل والظل مايل

يالي تخطط لك مشاريع وبيوت

في طاعة المعبود كيف انت قايل

نسيت بيت الآخرة وانت مبهوت

ماعاد تنفعك الحيل والتحايل

مجاورٍ لك عالمٍ لكن سكوت

في ساعة فيها تشوف الهوايل

النصح واجب قبل لا يفوتك الفوت

النار يامسكين تعمل عمايل

قلته وانا مقصر لكن برفع الصوتً

يالي تبون الفوز والشك زايل

الفوز والله توبةٍ تسبق الموت

قبل الوداع وقبل شد الرحايل