فرقا شهر
خليفة العضيلة
خليفة العضيلة
فرقا شهر يا بنت هاذا يكفيك
عقب الشهر يا بنت معاد بي حيل
اغليك كلمة من خفوقي تناديك
كلمة وارددها غلا واسر يا ليل
لا تجرحين القلب ما دام يغليك
محتاجلك وانتي علاجه من الويل
ودي اقول اني من القلب شاريك
وودي ابادلك الوفاء والمواصيل
اذا زعلتي جيت بالحق وارضيك
واذا رضيتي اشربي دلة الهيل
دلة غلا صافي وفيديني اسقيك
وفنجالها ما هو بمثل الفناجيل
باذن الولي اني على العهد لاوفيك
عهد الوفاء والحب واحلى التعاليل
هذا كلامن من مشاعر تباريك
من صادق اشعوري ولا هي تماثيل
ترى المولع في بيوته يغنيك
وانتي بعد غني وقولي تساهيل
وفرقا شهر يا بنت هاذا يكفيك
وعقب الشهر يا بنت معاد بي حيل
