نصف القمر
سعود سالم
نصف القمر يضفي على صدري الضيق
في وحشته ما كنه إلا زماني
لحووول يا وقت الحزن والتفاريق
عديتبي كل المدن والمواني
هنا عرفت ان الفرح يابس الريق
وهنا عرفت ان الأمل صار فاني
وشلون ما أحزن لا طروا طاري بقيق
واللي سكنها ما ترك هالمحاني
في كل ليلة زوله بقلبي يويق
ينشد عن اللي في غيابه خذاني
ما يدري انه ما بقى فالمعاليق
إلا خياله والشعر والأماني
وان السحاب اللي غشى قمة طويق
مثل البياض اللي غشاه وغشاني
بأجيه ظامي والليالي توافيق
يمكن يحس بغيبتي لا لقائي
