لو تدرين...!
عطر شانيل: نيكوتين
لو تدرين...!
اذا ما اشتقت
والا منى تمنيتك
وحيل اشتقت
وش اللي يصير!؟
يصير الناس بعيوني زجاج وابنية واسمنت
وتتشابه وجوه الناس
ولا تبكي غيابي بنت
ويتلون ورق لـ اشجار بلون اسود
يصير البحر ماي احمر
وهنا يتكدس الكربون حزن اسمر
وافقدني
عطر شانيل: نيكوتين
لو تدرين!
اذا ما اشتقت
والا منى تمنيتك
وحيل اشتقت
وش اللي يصير!؟
يصير الشعر كتابه عن ملامح قبح
وتغيب الشمس مطلع صبح
قسم بالله يا غيابك
رواية ذبح
حزين البحر والشاليه
كأن الحزن قدامي يمارس رقصة الباليه
ملامحنا وحزن وجيه
ولا عادت ملامحنا
عساها وجيهنا تقدر تسامحنا
على التشويه!
وافقدني
عطر شانيل: نكوتين
لو تدرين!
إلا مني تمنيتك
وحيل اشتقت
وش اللي يصير!؟
تتلون عصافير الفضا بالليل
وترمى ريش
ترفرف جلد عريانه
يرمى الورد بتلاته
يبقى ساق بـ احزانه
ويفقد كل ضحكاته
ويهرب كل عقل فيني
يبدا الطيش
تضيق الارض كل الارض واضيع ف هذي الزحمه
وافقدني
عطر شانيل: نيكوتين
لو تدرين!
الا منى تمنيتك
وحيل اشتقت
وش اللي يصير!؟
عن عطري تطيح وتنسكب غرشه
يهرب لون من فرشه
ويبنى هـ الحزن عرشه
على صدري
اصير اكثر من الاول حزين ومنهك ومدري!
انام من الحزن بدري
تصير همومي وساده
اشرب هـ الحزن ساده
وافقدني
عطر شانيل: نيكوتين
لو تدرين!
الا منى تمنيتك
وحيل اشتقت
وش اللي يصير!؟
ما ادري!
