مذكور بالخير

سراب يغيب حتى نشتاق لحروف شعره المختصرة والمباشرة ويسعدنا بعودته بمثل هذا النص.

مذكور بالخير يامن ضاعة ابصاره

كيف الصداقه نساها يالله الخيره

 يوم اتذكر زمانٍ عندي اسراره

اقول ياذا الزمن ما أقشر تدابيره

 امشي معه بالخفا والسر واجهاره

واقول هذا خويٍ مانبي غيره

 مره علي موتري ومرار طياره

نضحك ونمزح علي عزه وتقديره

 انا علي نيتي ماشك بافكاره

لين المقادير بانت لي معاثيره

 ابعدت عن مجلسه وابعدت عن داره

ومسحت رقمه علي الهاتف بتسكيره

 الحر لامن جزع صفح لصقاره

لو قام يومي ويدعي بدل الديره

 مذكور بالخير اليا قالوا لي اخباره

اقول نعم الخوي لاجبوا السيره

 وانا بجوفي سعاير ولعت ناره

اكنها خوفتي يفرح بها غيره

 من وقر الناس يالقى عز ووقاره

يبشر بعزن من المولى تدابيره

 ومن يجحد الطيب يبقى طافية ناره

يجلس وحيدن بلا ربعن ولاجيره



شعر: سراب