غيبة عيونك

نايف الفارس... الشاعر العذب، ورهاننا الأجمل، يحلق عالياً ويواصل سكب هذا الجمال في ذائقتنا، ونواصل ترتيب مفردات الاعجاب به وله، ونص يتغلغل إلى أرواحنا بكل هذا الصخب والروعة:



يا غايبٍ عني ترى غيبتك موت

مثلك مسبب لي خطر في حياتي

الصدر من فارقتني صار مكبوت

والدمع في عيني عشانك يـباتي

والبال من ودعتني صابه سكوت

طالع بنفسك حيرتي في شفاتي

ارجع انا محتاج لك ودي بقوووت

جوعان وصلك ودي اجمع شتاتي

تعال ياللي مبسمك يشبه التوت

غيبة عيونك طولت يا مناتي

عندي امانه حافظه لين ما موت

وان مت ابي بس تحتفظ في وصاتي

في ذمتك لا من تذكرتني بصوت

علمهم انك.. تمتلك ذكرياتي

وان اسمي بقلبك الى الحين منحوت

وانك الي هالحين تسوى حياتي

وانه معلمني على الشعر وبيوت

وأجمل بيوت الشعر قال بصفاتي

وان صورته بالذاكره دايم تفوت

واني اسولف به على اقرب خواتي

محتاج له ياناس مشتاق له موت

طيفه مخاويني وانا في صلاتي



|نايف الفارس الشمري|