المصري أفندي / جدار الخوف ...!!
| د. سعيد فهمي |
«حكمت فعدلت فآمنت فنمت يا عمر» كلام عرفناه من تاريخنا العظيم وحدث معروف ومشهور... والحدث درس بليغ وحكمة لازم يتعلم منها كل حاكم سابق أو حالي أو اللي قريبا وبإذن الله حيكون عليه الدور... والنصيحة هنا لكُل مسؤول عننا ياريت يراعي فينا ربنا ويعدل بين الناس والأهل والعشيرة وساعتها مش حيكون محتاج خرطوش ولايعيش محبوس بين جدران قصره قلقان موّتور... لو حُكمك عادل وبتُحكم فعلا من رأسك ويبقى قرارك نابع من ضمير شعبك مش تعليمات جماعتك وناسك وبتنفذ خططهم كأنك مأمور... لو كنت صادق في وعودك من غير تدليس ويبقى كلامك للضحك بالدقون والفعل مفيش وتخدّر للمواطن باسم الشرعية حتلاقي فصام بينك وبين شعبك ويبقى الود بينك وبينهم مهجور... لما تداري عن بطش جنودك وتفرض بالظلم قانونك وتعادي كل معارض لسياستك وتتهموه بالمأجور... لمّا تلبس ثوب مش ثوبك ولا تُصدُق مع شعبك في وعودك والشعب مش حاسس حتى بدورك وتبان زي كومبارس من غير دور... لما تخلع نائب عام بمزاجك وترتب في الضلمة أوراقك وتِبَصَّم جماعتك وأصحابك يبقى الناتج دستور..لما يبقى المسؤول موقعه في الإعراب فاعل بقراره مرفوع الرأس ولا يرجع في كلامه محتار محتاس يبقى الفاعل وقتها بالولاء مجرور... لما دم الشهيد يصنفوه بالمزاج ويبقى قتيل مبارك شهيد وقتيلك سيس ومتآمر وعميل يبقى إحنا بنتحاكم بقانون ساكسونيا وكأنك بتلبسنا العمة بدل الطرطور..لما يبقى الغدر بالوعد سلوك والإستخاف بكل رأي مش ليك مملوك وتتحامى بجماعة علشان تحمي عرينك يبقى مفيش تغيير ولا كأن ثورة قامت ولا عدلك شفناه في النور... لمّا تصدق قرضاوي وتضحك على شعبك بطريقة الحاوي ولا نشوف منك نهضة ولا فكر دايما فاضي وخاوي يبقى على إيه دكتور... لما تلاقي الإقتصاد بيضيع والبلد بيغرقها بديع ولا شفنا بصمة من إنجازاتك وشعبك في الشارع خالي البسمة حزين بيندم عى حياته وبيتحسر على اللي فاته يبقى مفيش قدامه غير إنه يقوم ويثور..لما تتشبث بالحكم بحجة إن الشعب إختار وقاعد عالكرسي مش عارف ومحتار وبتحكم بلدنا بعد واحد طيار يبقى ما ينفعش تقودنا بتوك توك أو حنطور..لما يرسم خطواتنا وسياستنا مرشد بيتفاخر بنهضة مش قادرة حتى تبيض وشارع ثائر من الظلم ودم أولاده على الأسفلت بيسيل ويفيض يبقى لازم يروح في ستين داهية ويغور..لما ده بيحصل بعد ثورة وحرية وعدالة إجتماعية يبقى أي مسئول وكل مرشد لازم يخاف ويجري ويبني ويعلّيِ السور..لكن مهما حصنت بابك في المقطم وزرعت أبواب حديدية أو فكرت إنه يحميك من الرعية مش حتقدر تمنع صوت شعب أو ثوره جواه بتفور..يا بناة الأسوار إرحلوا يرحمكم الله وخلوا الثورة تتطهر من مغتصبيها وخلوا ثورتنا ترجع لأصحابها من تاني نظيفة وتشوف من تاني النور..لو حاسس من جواك إن الكرسي من حقك وإن الأغلبية معاك وراضي عليك شعبك وبتعدل بين رعاياك وجماعتك يبقى ليه بتعلي السور وليه المندوب السامي قاعد في المقطم مذعور..الرسالة واضحة ومن شعب مصر للمندوب السامي الإخواني بالمقطم أرجوك حاول تفهم المؤامرة ظهرت وبانت وياريت تفهم قد إيه بقيت مكروه فاعقلها وتوكل وعن شعب مصر فارقها وغور..!! اللبيب بالإشارة يفهم ولازم نفهم اللي بيحصل من ظاهرة تعلية الأسوار في دار الإرشاد والإتحادية..ابن الخطاب حكم فعدل فآمن فنام قرير العين والضمير على الأرض وسط الرعية..الحاكم العادل درعه شعبه مش خرطوش جنوده ولا ميليشيات كل يوم بتهدد بالنزول بحجة الشرعية..لو بتحكم بالعدل حيكون شعبك هو درعك مش جحافل ودياب سعرانة وجبنة نستو يامعفنين سلاح اللي ميليشياتك قالوا عليهم بلطجية..لو واثق من نفسك إنزل للناس في الشارع لو تقدر وإفتح صدرك من تاني لو تقدر وواجه شعبك من غير واقي رصاص أو حرسك الخصوصي في الداخلية... إبني وعلّي السور وإفتح ألف معتقل وسجون وأطلق ميليشياتك على البنات واتهمهم بالفجور وخلي مجلس شورتك يألف بيان مأجور وإخسر بإيديك الشرعية... علّيِ السور كمان وكمان وحاوط نفسك بالإخوان من غير حُب شعبك مش حيستقر الحال ولا حتجني غير الفشل والكراهية... الوضع فعلا خطير والبلد رايحة على مستنقع وإنقسام وطائفية سياسية... لو مش شايف أو مش حاسس تبقى مستني إيه وحنفضل لإمتى عايشين في فراغ سياسي وصراعات على الحكم واضحة بين شعب عاوز يستعيد ثورته وتفشي وتوغُّل جماعة فاشية... لما خالد سعيد يموت ببانجو ومحمد الجندي يموت مصدوم يبقى الطب الشرعي هوَّ هوَّ ومنظومة الحكم زي ما هيَّ... فيه ناس مش بتقرأ تاريخ والزمن واقف عند نفس أفكارهم المتخلفة الرجعية... الحُكم ثم الحُكم ثم الحُكم وملعون أبو الشعب على الثوار على الشهداء في الميدان ويحيا التحرش بالنساء في الميدان والله يرحم كشف العذرية... إنت فين يا بن الخطاب وفين عدلك وفين أمنك وأمانك ويا فرحتنا باللي حكموا بهية... يا ألف خسارة عليكي يا محروسة وهنيئا لشعب مصر بسور الإخوان العظيم ولا عزاء للجميع في مُصابي الميادين والاتحادية... إييييييه هي كانت دامت لمين إستحملنا الهكسوس والمغول والتتار مفيهاش حاجة لو عصرنا فدانين ليمون وبلعنا الحصبة الإخوانجية... اعتبرها قضاء وقدر أو دفعة بلاء وربك رب قلوب هو حاسس بشعب مصر وحاسس بالضمير والنيّة... والنيّة بتقول يسقط يسقط حكم المرشد ويعيش شعب مصر عاشق الحرية... جدار الخوف اللي بيعلوه في المقطم ودار الحكم بداية الطريق لحرية ثوار بهية ... يارب إحفظ بهية... يارب تحفظ بهية... !!
[email protected]
«حكمت فعدلت فآمنت فنمت يا عمر» كلام عرفناه من تاريخنا العظيم وحدث معروف ومشهور... والحدث درس بليغ وحكمة لازم يتعلم منها كل حاكم سابق أو حالي أو اللي قريبا وبإذن الله حيكون عليه الدور... والنصيحة هنا لكُل مسؤول عننا ياريت يراعي فينا ربنا ويعدل بين الناس والأهل والعشيرة وساعتها مش حيكون محتاج خرطوش ولايعيش محبوس بين جدران قصره قلقان موّتور... لو حُكمك عادل وبتُحكم فعلا من رأسك ويبقى قرارك نابع من ضمير شعبك مش تعليمات جماعتك وناسك وبتنفذ خططهم كأنك مأمور... لو كنت صادق في وعودك من غير تدليس ويبقى كلامك للضحك بالدقون والفعل مفيش وتخدّر للمواطن باسم الشرعية حتلاقي فصام بينك وبين شعبك ويبقى الود بينك وبينهم مهجور... لما تداري عن بطش جنودك وتفرض بالظلم قانونك وتعادي كل معارض لسياستك وتتهموه بالمأجور... لمّا تلبس ثوب مش ثوبك ولا تُصدُق مع شعبك في وعودك والشعب مش حاسس حتى بدورك وتبان زي كومبارس من غير دور... لما تخلع نائب عام بمزاجك وترتب في الضلمة أوراقك وتِبَصَّم جماعتك وأصحابك يبقى الناتج دستور..لما يبقى المسؤول موقعه في الإعراب فاعل بقراره مرفوع الرأس ولا يرجع في كلامه محتار محتاس يبقى الفاعل وقتها بالولاء مجرور... لما دم الشهيد يصنفوه بالمزاج ويبقى قتيل مبارك شهيد وقتيلك سيس ومتآمر وعميل يبقى إحنا بنتحاكم بقانون ساكسونيا وكأنك بتلبسنا العمة بدل الطرطور..لما يبقى الغدر بالوعد سلوك والإستخاف بكل رأي مش ليك مملوك وتتحامى بجماعة علشان تحمي عرينك يبقى مفيش تغيير ولا كأن ثورة قامت ولا عدلك شفناه في النور... لمّا تصدق قرضاوي وتضحك على شعبك بطريقة الحاوي ولا نشوف منك نهضة ولا فكر دايما فاضي وخاوي يبقى على إيه دكتور... لما تلاقي الإقتصاد بيضيع والبلد بيغرقها بديع ولا شفنا بصمة من إنجازاتك وشعبك في الشارع خالي البسمة حزين بيندم عى حياته وبيتحسر على اللي فاته يبقى مفيش قدامه غير إنه يقوم ويثور..لما تتشبث بالحكم بحجة إن الشعب إختار وقاعد عالكرسي مش عارف ومحتار وبتحكم بلدنا بعد واحد طيار يبقى ما ينفعش تقودنا بتوك توك أو حنطور..لما يرسم خطواتنا وسياستنا مرشد بيتفاخر بنهضة مش قادرة حتى تبيض وشارع ثائر من الظلم ودم أولاده على الأسفلت بيسيل ويفيض يبقى لازم يروح في ستين داهية ويغور..لما ده بيحصل بعد ثورة وحرية وعدالة إجتماعية يبقى أي مسئول وكل مرشد لازم يخاف ويجري ويبني ويعلّيِ السور..لكن مهما حصنت بابك في المقطم وزرعت أبواب حديدية أو فكرت إنه يحميك من الرعية مش حتقدر تمنع صوت شعب أو ثوره جواه بتفور..يا بناة الأسوار إرحلوا يرحمكم الله وخلوا الثورة تتطهر من مغتصبيها وخلوا ثورتنا ترجع لأصحابها من تاني نظيفة وتشوف من تاني النور..لو حاسس من جواك إن الكرسي من حقك وإن الأغلبية معاك وراضي عليك شعبك وبتعدل بين رعاياك وجماعتك يبقى ليه بتعلي السور وليه المندوب السامي قاعد في المقطم مذعور..الرسالة واضحة ومن شعب مصر للمندوب السامي الإخواني بالمقطم أرجوك حاول تفهم المؤامرة ظهرت وبانت وياريت تفهم قد إيه بقيت مكروه فاعقلها وتوكل وعن شعب مصر فارقها وغور..!! اللبيب بالإشارة يفهم ولازم نفهم اللي بيحصل من ظاهرة تعلية الأسوار في دار الإرشاد والإتحادية..ابن الخطاب حكم فعدل فآمن فنام قرير العين والضمير على الأرض وسط الرعية..الحاكم العادل درعه شعبه مش خرطوش جنوده ولا ميليشيات كل يوم بتهدد بالنزول بحجة الشرعية..لو بتحكم بالعدل حيكون شعبك هو درعك مش جحافل ودياب سعرانة وجبنة نستو يامعفنين سلاح اللي ميليشياتك قالوا عليهم بلطجية..لو واثق من نفسك إنزل للناس في الشارع لو تقدر وإفتح صدرك من تاني لو تقدر وواجه شعبك من غير واقي رصاص أو حرسك الخصوصي في الداخلية... إبني وعلّي السور وإفتح ألف معتقل وسجون وأطلق ميليشياتك على البنات واتهمهم بالفجور وخلي مجلس شورتك يألف بيان مأجور وإخسر بإيديك الشرعية... علّيِ السور كمان وكمان وحاوط نفسك بالإخوان من غير حُب شعبك مش حيستقر الحال ولا حتجني غير الفشل والكراهية... الوضع فعلا خطير والبلد رايحة على مستنقع وإنقسام وطائفية سياسية... لو مش شايف أو مش حاسس تبقى مستني إيه وحنفضل لإمتى عايشين في فراغ سياسي وصراعات على الحكم واضحة بين شعب عاوز يستعيد ثورته وتفشي وتوغُّل جماعة فاشية... لما خالد سعيد يموت ببانجو ومحمد الجندي يموت مصدوم يبقى الطب الشرعي هوَّ هوَّ ومنظومة الحكم زي ما هيَّ... فيه ناس مش بتقرأ تاريخ والزمن واقف عند نفس أفكارهم المتخلفة الرجعية... الحُكم ثم الحُكم ثم الحُكم وملعون أبو الشعب على الثوار على الشهداء في الميدان ويحيا التحرش بالنساء في الميدان والله يرحم كشف العذرية... إنت فين يا بن الخطاب وفين عدلك وفين أمنك وأمانك ويا فرحتنا باللي حكموا بهية... يا ألف خسارة عليكي يا محروسة وهنيئا لشعب مصر بسور الإخوان العظيم ولا عزاء للجميع في مُصابي الميادين والاتحادية... إييييييه هي كانت دامت لمين إستحملنا الهكسوس والمغول والتتار مفيهاش حاجة لو عصرنا فدانين ليمون وبلعنا الحصبة الإخوانجية... اعتبرها قضاء وقدر أو دفعة بلاء وربك رب قلوب هو حاسس بشعب مصر وحاسس بالضمير والنيّة... والنيّة بتقول يسقط يسقط حكم المرشد ويعيش شعب مصر عاشق الحرية... جدار الخوف اللي بيعلوه في المقطم ودار الحكم بداية الطريق لحرية ثوار بهية ... يارب إحفظ بهية... يارب تحفظ بهية... !!
[email protected]
