(يامنشغل عني)

بين روعة المشاعر وحروف الشعر النسائي جاء هذا النص يحمل نبض ولع ليصافحكم بكل حب

يا منشغل عني وانا منشغل فيك

ترى انشغالك عني اكبر جريمه

لاغبت عني غاب نبضي يباريك**

يا من له بقلبي موده وقيمه

يا ما تحملت العنا لاجل اداريك

وياما سهرت الليل اداعب نسيمه

الصد واهج يحرق الله يجازيك

وشوف الصبر هذي بقايا هشيمه

لاضاق صدري فز شوقي يناديك

واهل دمع العين كني يتيمه

الحب لك وحدك ولا احدٍ يجاريك

عهدٍ علي ما انسى العهود القديمه

حروف شعري ياهوي البال تبكيك

والروح من فرقاك راحت سقيمه

انت الوحيد اللي علي البال طاريك

وانت الوحيد اللي له الحب ديمه

تعال قربي يا حبيبي واسليك

واخذ من اشعوري مشاعر عظيمه

تصفالي الدنيا إذا بيوم الاقيك

طال الغياب وشوفك اكبر غنيمه

باهدي حياتي كلها لك وراعيك

وعسى الغلا اللي بيننا الله يديمه



شعر: ولع معند